د دێربییا كوردستانێدا قه‌ره‌بۆكرن و ژبیركرنا خه‌ونا ناسناڤێ ئاسیایێ درووشمێ یاریكه‌رانه‌

د دێربییا كوردستانێدا قه‌ره‌بۆكرن و ژبیركرنا خه‌ونا ناسناڤێ ئاسیایێ درووشمێ یاریكه‌رانه‌

Capture

وار – دهۆک :

ئه‌ڤرۆ یاریێن گه‌را پێنجێ ژ قۆناغا ئێكێ یێن خولا ئیراقێ بۆ یانه‌یێن پلا نایاب هێنه‌ كرن، ژ گرنگترین یارییان دێربیێ هه‌رێما كوردستانێ یه‌، ئه‌وا لبه‌ره‌ دناڤبه‌را یانه‌یا هه‌ولێرێ و یانه‌یا زاخۆ ل یاریگه‌ها فرانسۆ هه‌ریرى بهێته‌ كرن و داكو بزانین به‌رهه‌ڤیێن هه‌ردو یانه‌یان ب چ شێوه‌یه‌ دڤێ راپۆرتێدا بخوینن:

لده‌ستپێكێ یوونس شه‌كور یاریكه‌رێ یانه‌یا زاخۆ دبێژیت، بێ گۆمان ئه‌ڤ یارییه‌ دێ گه‌له‌ك یا بهێز بیت، ژبه‌ركو دێربیێ كوردستانێ یه‌ و ژبلى هندێ یانه‌یا هه‌ولێرێ یانه‌یه‌كا بهێز و خۆدان شیانه‌، به‌لێ به‌رامبه‌ر وێ مه‌ژى به‌رهه‌ڤیێن باش یێن كرین و تیما مه‌ چ كێماسى تێدا نینن، تنێ كاپتنێ تیمێ خالد موشیر نه‌بیت ئه‌وێ ژ ئه‌گه‌رێ وه‌رگرتنا دو كارتێن زه‌ر هاتییه‌ دۆركرن ژڤێ یاریێ، به‌لێ ئه‌ز نابینم كو دێ كارتێكرنه‌كا مه‌زن لسه‌ر تیمێ هه‌بیت و ب هه‌ر ره‌نگه‌كێ بیت دڤێت ئه‌م سه‌ركه‌ڤتنێ ب ده‌ستخۆڤه‌ بینین، ژ ده‌ستدانا هه‌شت خالێن بۆرى قه‌ره‌بوو بكه‌ین و جه‌ماوه‌رێ خۆ رازیبكه‌ین.
هه‌روه‌سان كاپتنێ یانه‌یا هه‌ولێرێ و گۆلچیێ تیمێ دبێژیت، براستى ئه‌ڤه‌ یاریا ئێكێ یه‌ بۆ مه‌ وه‌كو هه‌ولێر، گۆمان تێدا نینه‌ كو به‌رهه‌ڤیێن مه‌ گه‌له‌ك دباشن و چوو هنگاڤتن و كیماسى دناڤ تیمێ دا نینن و هه‌ر چه‌نده‌ دبیت هنده‌ك هزر بكه‌ن ژ ده‌ستدانا ناسناڤێ كاسا ئێكه‌تییا ئاسیا دێ كارتێكرنێ ل ئاست و ده‌رۆنێ یاریكه‌ران هه‌بیت، به‌رۆڤاژى دڤێت ئه‌م ئه‌ڤێ چه‌ندێ ژبیرا خۆ و پشته‌ڤانێن خۆ ببه‌ین و زاخا یاریكه‌ران یا بلنده‌، ژبه‌ركو خولا ئیراقێ و ئاسیا ژێكجودانه‌، له‌وا ئه‌م دبه‌رهه‌ڤێن ئێكه‌م سێ خالێن خولێ لسه‌ر كیستێ زاخۆ بینین.
ژلایه‌كێ دویڤه‌ دوهى سێ یاریێن دى هاتنه‌ كرن، ل یاریگه‌ها سلێمانیێ خۆدانێن ئه‌رد و جه‌ماوه‌رى ئێكه‌م پێنگاڤا خۆ ب سه‌رپه‌رشتییا راهێنه‌رێ خۆ یێ نوو محه‌مه‌د حه‌سه‌ن، ئه‌وێ به‌رى نها هاریكارێ راهێنه‌ر سالح رازى كرى دهاڤێژیت و سه‌ركه‌ڤتنا ئێكێ لسه‌ر یانه‌یا نه‌فت ب دو گۆلان به‌رامبه‌ر گۆله‌كێ تۆمار دكه‌ت و سێ خالێن گرنگ بده‌ستخۆڤه‌ ئینان، لێ به‌رى ئه‌ڤ یارییه‌ ب دوماهیك بهێت ژ ئه‌گه‌رێ شه‌ر و پێكدادانێ دناڤبه‌را پشته‌ڤانێن هه‌ردو یانه‌یاندا یارى هاته‌ راوه‌ستاندن. هه‌ر وه‌سان یانه‌یا شورته‌ سه‌ركه‌ڤتنه‌كا ب زه‌حمه‌ت لسه‌ر یانه‌یا ته‌له‌به‌ ئینا ب گۆله‌كێ به‌رامبه‌ر چنه‌ و هه‌ردو یانه‌یێن جه‌وییه‌ و كه‌هره‌با ب گۆله‌كێ وه‌كهه‌ڤبوون.

بابه‌تێن ب ڤێ مژارێ ڤه‌ گرێدای