د. خالد نه‌جم: دێ بزاڤێ كه‌ین دهۆك و زاخۆ به‌رده‌وامیێ ب خولێ بده‌ن

د. خالد نه‌جم: دێ بزاڤێ كه‌ین دهۆك و زاخۆ به‌رده‌وامیێ ب خولێ بده‌ن

وار – دهۆک :

دداخویانیه‌كێدا سكرتێرێ ئێكه‌تییا باسكتبۆلا ئیراقێ بۆ رۆژنامه‌یا وار راگه‌هاند كو دێ داخوازیێ ژ هه‌ردو یانه‌یێن دهۆك و زاخۆ كه‌ین بۆ كۆمبوونه‌كا تایبه‌ت ژبۆ چاره‌نڤیسێ وان د خولا پلانایاب دا و بزاڤین مه‌ دی بوو مانا وان بن.
زێده‌تر د. خالد نه‌جم گۆت، هه‌رچه‌نده‌ ل وه‌رزێ بۆری هه‌ردو یانه‌یێن دهۆك، زاخۆ و دگه‌ل دا ته‌زامن یا نه‌جه‌فی ژبه‌ر هه‌بوونا قه‌یرانا دارایی نه‌شیایین به‌رده‌وامیێ بده‌نه‌ پشكدارییا خۆ د خولا پلا نایابا ئیراقێ دا و لدیڤ داخوازییا وان مه‌ رێك دابوویێ خۆ ژ خولێ ڤه‌كێشین، به‌لێ بۆ وه‌رزێ ئه‌ڤ ساله‌ دڤێت ئه‌م چاره‌نڤیسێ وان بزانین به‌ری چو بڕیارا لسه‌ر بده‌ین. له‌ورا دێ كۆمبوونێ دگه‌ل نوونه‌رێن هه‌رسێ یانه‌یان كه‌ین ژبۆ ئێكلاكرنا بابه‌تێ وان د خولێ دا، هه‌رچه‌نده‌ هه‌تا نوكه یانه‌یێن دهۆك و زاخۆ چو بڕیار لسه‌ر پشكداریێ یان خۆڤه‌كێشانێ نه‌داینه‌، به‌لی ب هیڤینه‌ جاره‌كا دی بزڤڕنه‌ڤه‌ و دی بزاڤێ كه‌ین هه‌ردو یانه‌ بۆ وه‌رزی بهیت پشكداربن، ناڤبری لدۆر وێ یه‌كێ ئه‌گه‌ر هه‌ردو یانه‌یێن پارێزگه‌ها دهۆكێ نه‌شیان به‌رده‌وامیێ بده‌نه‌ خولا پلا نایاب بۆ وه‌رزێ بهێت گۆت، پێنه‌ڤێت دێ دكۆمبوونێ دا گه‌نگه‌ش لسه‌ر ئه‌گه‌رێن نه‌شیانا وان هێنه‌كرن و ئه‌گه‌ر دیاربوو كو دشیانێن وان دا نینه‌ ژبه‌ر قه‌یرانێ دێ مه‌ كۆمبوونه‌كا تایبه‌ت یا ئێكه‌تیێ هه‌بیت لدۆر چاره‌نڤیسێ وان د خولا پلا نایاب دا و لدیڤ رێنۆمایان ئه‌ز باوه‌رم ئه‌و تیما پشكدارنه‌بیت بۆ وه‌رزێ بهێت دێ پاشڤه‌چیته‌ پلا ئێك و بێی هه‌بوونا چو سزایێن دارایی. لدوماهیێ ناڤبری هیڤی خواست یانه‌یێن دهۆك و زاخۆ بشێن پشكداریێ بكه‌ن ژبه‌ركو هه‌ردو تیم سه‌نگا خۆ د خولێ داهه‌ییه‌ و ئاستێ خولێ بهێز دئێخن.

بابه‌تێن ب ڤێ مژارێ ڤه‌ گرێدای