دەھان دەمبوس د لەشێ زەلامەکی دابوون بێی بزانیت

دەھان دەمبوس د لەشێ زەلامەکی دابوون بێی بزانیت

WAAR-دهۆک:

وەرگێران : رەڤین سالح
زەلامەکێ ھندی نۆژدار مەندەھوشکرن پشتی ب دەھان دەمبوسێن ژێک جودا دلەشێ وی دا دیتین، ھەروەکو رۆژناما “دەیلی مەیلی” یا بریتانی دیارکری کو ئەڤ زەلامە ژبەر رەوشا وی ل سەر رۆژێن خوەیێن مرنێ بوو.
زەلامێ ھندی “بەدریلا مینا” سەرەدانا شەش نەخوشخانەیا کربوو، سێ نشتەرگەری بۆ وی ھاتبوونەکرن داکو ڤان دەمبوسان بینە دەرێ کو د ملێن وی و پێن وی و حەفکا وی دا بوون، د ڤان نشتەرگەریان دا ٩١ دەمبوس ئینانە دەر کو ئەڤە بۆ دەمێ شەش مەھان د لەشێ وی دابوون.
مینا د ژیێ ٥٦ سالیێ دایە و خەلکێ کوتا یە ل باکۆرێ ھندێ، ئەو ل سەر ئاخفتنا خوە یێ رژد بوو کو وی ئەو دەمبوسە نەخوارینە و نەدزانی ژی کو دەمبوس یێن د لەشێ وی دا ھەین .
“لالیت موھان باراشار” ئێک ژوان نۆژدارایە کو سەرپەرشتی یا ڤی نەخوەشی دکر گۆت: “تشتەکێ موعجیزەیە د ڤی ماوەیێ درێژ دا ئەڤی نەخوەشی ھەست ب چ ئیشانا نەدکر”.
ھەروەسان نوژدارێ ھندی ئاماژە ب وێ یەکێ دا کو گەلەکا ب زەحمەت بو ھەتا بشێن ڤان دەم بوسا ژ لەشێ وی بینە دەر بێ کو کارتێکرن ل ژیانا وی بیت، چونکی ئەڤ دەمبوسە ل ھندەک جھێن ھەستیار بوون وەکو د بوریا خوارنێ دا،دیسان د وان دەماران دابوون ئەوێن ئوکسجینێ بۆ مەژی ھەلدگرن .
ئێکەم جار مینا بەرەف نەخوشخانەیا تایبەت دچیت، گازندا ژ ئێشانا پێن خوە دکەت و نەخوەشیا شەکرێ، لێ پشتی نوژداران پشکنینا وی کرین کو ٧٥ دەمبوس د پارچەیێن جودا یێن لەشێ وی دا دیتن، ھەروەسان خێزانا ڤی زەلامێ نەخوەش دا دیارکرن کو ئەو تووشی چ نەخوشیێن دەروونی نەبوویە .
و نۆژدار میناکشی مانشادا گۆت: دەمێ خەلکی ھەست ب خەموکییێ کر دێ بەرەف ھندێ چن کو زیانێ بگەھینە لەشێ خوە ھەروەسان دیارکر کو خرابتر ژ ڤێ چەندێ بیرا وان ل ناخێ وان ناھێت، دیسان نۆژداران خوەیاکر کو پشتی رەوشا وی بەرەڤ باشتر لێ بھێت دێ نوژدارێن دەروونی تەماشەی رەوشا وی کەن کا تووشی نەخوەشیا دەروونی بوویە یان نە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *