دەولەت (١)

نڤیسین: عادل حەسەن

باورەم ھەر مروۆڤەکێ کورد دەمێ گەریانەکێ بو دەرڤەی ولاتی دکەت، گەلەک دیمەنێن جوداجودا دبینیت، لێ دیمەنێ ژھەمیا سەرنج راکێشانتر ئەوە، دەمێ ھەڤنیاسینەکێ دگەل مرۆڤەکێ بیانی دکەت، دکەڤیتە بەرانبەر پرسەکێ، ئەو پرس ژی ئەوە دەمێ دبێژتە مرۆڤی تو خەلکێ کیرێی؟ ل وی دەمی خوھ ب مرۆڤی دھێتە خوار و دێمێ مرۆڤی سور دبیت و دەڤێ مرۆڤی ترتریدبیت و مرۆڤ نزانیت دێ چ بەرسڤ دەت، چ بێژتێ؟ بێژیت: (عراقیمە، تورکیمە ، سوریمە ، ئیرانیمە ، سوفێتیمە)، ھەرتشتەکێ ژڤانا بێژیت، مرۆڤ ھەست بکێماسیێ دکەت یان مرۆڤ ھەست بدرەویێ دکەت، مرۆڤێ درەوین ژی لدەڤ ئایندارا و لدەڤ مرۆڤایەتیێ دبیتە کەسەک بێنرخ، مرۆڤێ بێنرخ ژی ھەردەم کەساتییا خو ژدەستددەت، ئەڤە ئالیەکێ بەرسڤێ ،
ئالیێدی یێ دیێ بەرسڤێ :
مرۆڤ : ئەز ژ کوردستانێمە ،
بیانی: پاکستان ؟
مرۆڤ: ببورە ‌ کوردستان ،
بیانی: کوردستان کیرێیە ؟
مرۆڤ: کوردستان واتە کوردستان و ئاخا کوردایە .
بیانی: ( ھەست بکێماسیێ دکەت، دەست ددەنە موبایلا خوە، مالپەریێ نەخشەی ڤەدکەت، ناڤێ کوردستان لێددەت، لێ مخابن چ جھدیار نابن) ببورە ئەڤ ناڤە لسەر نەخشێ جیھانی نینە، وەدیارە ولاتێ ھەوە ل کەوکەبەکا دییە .
مرۆڤ: ببورە ، ولاتێ مە ل کەوکەبا عەردیە .
بیانی : چەوا لکەوکەبا عەردییە ، ماھین نەتەوەنە ؟ ژمارا نەتەوا ھەوە چەندە ؟ بوچی ناڤێ ولاتێ ھەوە نەچوویە د نەخشێ جیھانی دا .

رۆڤ : ناڤێ نەتەوا مە کوردە، ئەم ژ نەتەوەیێن کەڤنێن مروڤایەتیێنە ، ژمارا مە دگەھیتە نێزیکی چل ملیون مرۆڤان، مە زمانێ خوە ھەیە و چاندا خوە ھەیە و ئاخا خوە ھەیە، ولاتێ مە ھاتیە داگیرکرن ژلایێ پێنج دەولەتان (عیراق ، سو‌ریا، ئیران، تورکیا، روسیا)، لسەردەمێ کەڤن دا مە کوردان ئیماراتێن خوە ھەبوون .
بیانی: وەدیارە ھوین ملەتەکن، نەشایستەی دەولەتێنە، ھوین ملەتەکن نزانن بھەڤرا بژین و نزانن خوەسەریێ بکەن ،
مرۆڤ : بەلێ گو‌تنا تەراستیەک تێدایە .
بیانی : چەوا؟ ئەز تێنەگەھشتم؟ تو دشێی بو من روھن بکەی؟
مرۆڤ: ئەم ملەتەکین ھیچ جارەکێ مە نێرینا خوە یا خوەرستی نەبوویە، ھەردەم ئەم ب مەژیێ بیانیان ھزردکەین و دبینە پالێن سەرکەتنا ھزرا وان، ژبۆ سەرکەتنا ھزرا بیانیان ئەم ھەردەم خوەشمێرین و عەگیدین ژبۆ یەکدو و د حازرین کوشتارییا یەکدو بکەین ژبۆ سەرکەتنا بەرژوەندین بیانیان و ھەردەم ئەم چەتێن بیانیاینە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *