دەمیرتاش: چ پارتییێن دیمۆکراتی ژ بلی هەدەپە و جەهەپێ نینن

دەمیرتاش: چ پارتییێن دیمۆکراتی ژ بلی هەدەپە و جەهەپێ نینن

WAAR-دھۆك:

هەڤسەرۆکێ بەرێ یێ هەدەپێ بێهیڤیبوونا خوە ژ پێڤاژۆیا دیمۆکراتی ل تورکیا دیار کر و هەوارا خوە گەهاندە جەهەپێ.
سەلاحەدین دەمیرتاش، هەڤسەرۆکێ بەرێ یێ پارتییا دەمۆکراتیک یا گەلان، هەدەپێ، کو نها د زیندانێ دا یە، بۆ رۆژنامەیا بیرگون یا تورکی راگەهاند: وەزیرێ بەرێ یێ تورکیا یێ دارایی و ئابۆری دێ پارتییەکا نوو دامەزرینیت، راستە هێژ ناهێتە زانین، کا دێ چەند سەنگا خوە د ناڤ دەنگەران دا هەبیت، لێ چ نیشانێن دیمۆکراتی و دادپەروەرییێ پێڤە دیار نینن.
دەمیرتاشی گۆت ژی: ب گشتی نها ل تورکیا تنێ دو پارتییێن دیمۆکراتی هەنە، هەدەپە و پارتییا گەل یا کۆماری، جەهەپە، لەورا پێدڤی یە جەهەپە پشتەڤانییا هەدەپێ بکەت و رۆلێ سەرەکی ل رێگرییا ژناڤچوونا دیمۆکراتییێ ل تورکیا بگێریت.

بابه‌تێن ب ڤێ مژارێ ڤه‌ گرێدای