دێ چاوا زانی زه‌لامێ ته‌ دره‌وان ل ته‌ دكه‌ت؟

دێ چاوا زانی زه‌لامێ ته‌ دره‌وان ل ته‌ دكه‌ت؟

 

cvakkkkk

وار – دهۆک :

ئێك ژ وان بابه‌تێن كو ژن پێڤه‌ مژوولن و ھەردەم هزرا تێدا دكه‌ن، راستگۆیى یا زه‌لامێ وێ یه‌ دگه‌ل وێ، یان ژى ئه‌و دره‌وان دگه‌ل وێ دكه‌ت! دبیت گه‌له‌ك جاران وه‌سا بزانى كو ته‌ ب تمام ئاگه‌هـ ژ كار و هوورده‌كاریێن زه‌لامێ خوه‌ نینه‌، لێ زه‌لامێ ته‌ چەندین نھێنیێن ئالۆز ڤه‌شارتینه‌ و ب ئاوایه‌كێ به‌روڤاژى ڤه‌ بۆ ته‌ باسكرینه‌. د ڤێرە دا دێ چەند نموونەیەکان ئینین، داكو بشێى ب وان رێیان راستى و دره‌وێن زه‌لامێ ته‌ بۆ ته‌ ده‌ركه‌ڤن:
ــ هه‌كەر د ناڤبه‌را دو جار یان سێ جاران زه‌لامێ د باسكرنا بابه‌ته‌كى دا بۆ ته‌ تشت و هوورده‌كاریێن جودا دیاركرن، دیاره‌ كو ئه‌و دره‌وان د گه‌ل ته‌ دا دكه‌ت.
ــ هه‌كەر د ده‌مێ ئاخڤتنێ دا ئێكسه‌ر وى ته‌ماشه‌ى ناڤچاڤێن ته‌ نه‌كر، بزانه‌ كو ئه‌و تشته‌كى ل ته‌ ڤه‌دشێریت، لێ وى دڤێت ب ئاوایه‌كێ دروستكرى بۆ ته‌ وى تشتى ڤه‌گێریت، ژبه‌ركو راستیێ نابێژیت، ئه‌ڤجا نه‌شێت ته‌ماشه‌ى ناڤچاڤێن ته‌ بكه‌ت.
ــ هه‌كەر زه‌لامێ ته‌ بۆ ته‌ روودانه‌ك بۆ ته‌ ڤه‌گێرا، د رۆژه‌كا دى دا هه‌ر سه‌باره‌ت ب روودانێ ژێ بپرسه‌ڤه‌، هه‌كه‌ر وى ئه‌و روودان لده‌ف خوه‌ چێكربیت، ئه‌و نه‌شێت وه‌كو جارێ پێشتر بۆ ته‌ ڤه‌گێریت، تاقیكرنا ڤێ ئێكێ ژى گه‌له‌كا ب ساناهییه‌.
ــ هه‌كەر زه‌لامێ ته‌ د ده‌مێ ئاخڤتنێ دا، په‌یڤ و ئاخڤتنێن خوه‌ گه‌له‌ك دوباره‌ كرنه‌ڤه‌، یان ده‌ما كو زانى تو باوه‌ر ژێ ناكه‌ى، ڤێجا وى گه‌له‌ك سویند خوارن، ژ وێ ئێكێ پشتراستبه‌ كو ئه‌و راستیێ دگه‌ل ته‌ نابێژیت.
ــ هه‌كەر د ئاخڤتنێ دا ئالۆز بوو، لێ وى ڤییا بالانسێ خوه‌ بینته‌ڤه‌، تو ته‌ماشه‌ى وى بكه‌، هه‌كه‌ر شه‌پرزه‌یى پێڤه‌ دیاربوو، یان وى زێده‌ خوهدا، ئێدێ دێ دره‌وا وى بۆ ته‌ دیاربیت.
د ڤێرە دا ژبلى هیڤییا راستگۆیی و بنیاتنانا خێزانه‌کا بەختەوەر لسەر بنەمایێ باوه‌ریێ، مه‌ چو مه‌ره‌مێن دى نینن، ئه‌ڤجا هه‌ر ژبه‌ر وێ ئێكێى ژى یه‌ مه‌ ئه‌ڤ بابه‌ته‌ ژى ئازراندییه‌ و هنده‌ك رێیێن دیاركرنا دره‌وێن زه‌لامان بۆ ژنان دیاركرینه‌، داكو ئێدى زه‌لام ژ دره‌وكرنێ دگه‌ل هه‌ڤژین و خێزانێن خوه‌ قورتالبن و هه‌رده‌م بشێن راستیێ بێژن و وه‌كو خوه‌ ڤه‌گوهێزن، هه‌تا هه‌كه‌ر ئه‌و راستییه‌ چه‌ند ته‌عل ژى بن.

بابه‌تێن ب ڤێ مژارێ ڤه‌ گرێدای