دێ چاوا زانى هه‌ڤژینێ ته‌ تو دڤێى؟

دێ چاوا زانى هه‌ڤژینێ ته‌ تو دڤێى؟

Capture

وار – دهۆک :

د ژیانا هه‌ڤپشكا هه‌ڤژینیێ دا، گه‌له‌ك جاران كێشه‌ و ناكۆكى د ناڤبه‌را ژن و مێران دا چێدبن كو سه‌ده‌ما وێ ئێكێ بۆ وێ ئێكێ ڤه‌دگه‌ڕیت كو باوه‌رییه‌كا مكوم لده‌ف وان نینه‌ كا ئایا هه‌ڤژینێ/ا وێ/وێ ب دروستى حه‌زژێ دكه‌ت یان نه‌.
ــ پشتى ده‌ربازبوونا چه‌ند ساله‌كان ژ ژیانا هه‌ڤژینێ، هنده‌ك ده‌مان سستبوون د وێ په‌یوه‌ندیێ دا روودده‌ت و ژن و مێر كۆمه‌كا گومانان لده‌ف وان دروست دبن، بێى كو سه‌ده‌مێن سه‌ره‌كیێن وێ كێشه‌ و سستبوونا په‌یوه‌ندییا هه‌ڤژینێ بزانن.
پێدڤییه‌ به‌رى كو هه‌ڤژینان هزركرنا خراب هه‌بیت، سه‌ده‌مێن سستبوونا په‌یوه‌ندییا خوه‌ بزانن، ب وى ئاواى ژى دێ شێن وان كێشه‌یێن خوه‌ زوو چاره‌سه‌ركه‌ن.
د ڤان خالێن خوارێ دا، كو وه‌كو نیشانه‌یه‌ك بۆ سستبوونا په‌یوه‌ندییا د ناڤبه‌را هه‌ڤژینان دا بهێنه‌ دیاركرن، ئه‌و سه‌ده‌مێن سه‌ره‌كیێ سستبوونا وێ په‌یوه‌ندیێ هاتینه‌ باسكرن و هه‌ر ژن یان زه‌لامه‌ك ب به‌رچاڤگرتنا وان دشێت بزاڤیت كا ئایا ئالیێ به‌رانبه‌ر حه‌زژێ دكه‌ت یان نه‌ و دێ چاوا خوه‌ ژ وان سه‌ده‌مێن سه‌ره‌كیێن سستبوونا په‌یوه‌ندییا خوه‌ پارێزن:
1ــ گرنگی‌ پێنه‌دان: سار و سستبوونا په‌یوه‌ندییا د ناڤبه‌را هه‌ڤژینان دا و لێنه‌پرسینا هنده‌ك بابه‌تێن هوورده‌كاریێن ژیانێ، سه‌ده‌مه‌كه‌ ژ خاڤبوونا وێ گرێدانا هه‌ڤژینان پێكڤه‌ هه‌ى.
2ــ ده‌ما كو هه‌ڤژینێ،ا ته‌ تووڕه‌ نه‌بیت ب ره‌فتاره‌كێ كو به‌رى هینگێ ب وێ ره‌فتارێ كارڤه‌دان هه‌بیت، ل وى ده‌مى بزانه‌ په‌یوه‌ندییا د ناڤبه‌را هه‌وه‌ سست بوویه‌، له‌و ژى چو گرنگیێ ب وێ ره‌فتارا ته‌ ناده‌ت.
3ــ كێمبوونا‌ چوونا ده‌رڤه‌یێن پێكڤه‌ و پشكدارى نه‌كرن د هه‌لكه‌ڤتێن جڤاكى دا، ئه‌ڤه‌ ژى نیشانه‌كا ساربوونا په‌یوه‌ندییا د ناڤبه‌را هه‌ڤژینان دایه‌.
4ــ بكارئینانا‌ په‌یڤێن ڕق ل شوونا ده‌ربڕینا ڤیان و حه‌زژێكرنێ، نیشانه‌كه‌ بۆ ژێك دووربوونا هه‌ڤژینان.
5ــ ژ ته‌ زێده‌تر گرنگیێ‌ ب خوه‌ بده‌ت، ده‌ما كو هه‌ڤژینێ/ا ته‌ زێده‌تر ژ جاران گرنگیێ ب خوه‌ بده‌ت و هه‌ڤده‌م ئه‌و بابه‌تێن په‌یوه‌ندى ب ته‌ ڤه‌ هه‌ى، ژبیر بكه‌ت، ل وى ده‌مى ژى ئه‌ڤه‌ وێ ئێكێ دسه‌لمینیت كو ئه‌و ڤیانا به‌رێ د ناڤبه‌را هه‌وه‌ دا نه‌مایه‌.

بابه‌تێن ب ڤێ مژارێ ڤه‌ گرێدای