دێ چاوا زانى ده‌زگرێ ته تنێ ژبه‌ر حه‌زێن جنسى تێكه‌لییا ته دكه‌ت؟

دێ چاوا زانى ده‌زگرێ ته تنێ ژبه‌ر حه‌زێن جنسى تێكه‌لییا ته دكه‌ت؟

وار – دهوك :

گه‌له‌ك ژ كچان د په‌یوه‌ندیێن سۆزداریێ دا به‌رى پێكئینانا ژیانا هه‌ڤژینیێ دگه‌ل كوڕان، بۆ وان رۆن و ئاشكرا نینه‌ كا ئایا ئه‌و كوڕه‌ ب راستى ئه‌و كچه‌ دڤێت و ژدل دخوازیت ببیته‌ هه‌ڤپشكا ژیانا وى یا هه‌ڤژینیێ، یان ژى ب تنێ بۆ سێكسى و تێركرنا حه‌زێن خوه‌ دێ وێ كچێ كه‌ته‌ هه‌ڤژینا خوه‌، لێ هه‌ر كوڕه‌كێ ئه‌ڤ خالێن ل خوارێ تێدا بوون، ب پشتراستى ڤه‌ وى بۆ ده‌مبۆراندن و كریارێن سێكسى تو دڤێى، نه‌كو ته‌ وه‌كو كه‌سایه‌تییه‌كا سه‌ركه‌ڤتى بۆ ژیانا خوه‌ یا هه‌ڤپشك دبینیت.
ئه‌ڤه‌ ئه‌و خاله‌نه‌:
1ــ ئه‌و كوڕێ ئاخڤتنێن خوه‌ش و رۆمانسى د گه‌ل ته‌ دا نه‌كه‌ت، به‌لكو هه‌ما ئێكسه‌ر بزاڤێ دكه‌ت ته‌ ماچى بكه‌ت و ته‌ هه‌مبێز بكه‌ت، ژبه‌ركو وى باوه‌رى ب ئاخڤتنێن خوه‌ش و رۆمانسى نینه‌، ئه‌ڤجا ژبه‌ر ڤێ ئێكێ بزانه‌ ڤى كوڕى تو ب تنێ بۆ تێركرنا حه‌زێن خوه‌ یێن سێكسى دڤێى.
2ــ ئه‌و كوڕێ ته‌ ب هه‌ڤالێن خوه‌ نه‌ده‌ته‌ نیاسین و ناخوازیت كو ده‌وروبه‌رێن وى ب ڤێ په‌یوه‌ندییا هه‌وه‌ هایداربن، ئه‌و ناخوازیت كو تو ببیه‌ هه‌ڤژینا وى یا راسته‌قینه‌، ژبه‌ركو هه‌كه‌ر ب راستى ئه‌و حه‌زژ ته‌ دكه‌ت و دخوازیت ببیته‌ هه‌ڤژینا وى، دێ ته‌ ب كه‌سێن ده‌وروبه‌رێن خوه‌ ده‌ته‌ نیاسین.
3ــ ئه‌و كوڕێ گه‌له‌ك ب كێم ده‌ربارى هه‌ڤال و خزم و كه‌سوكارێن ته‌ و جهێ ته‌ یێ شۆلى پرسیاران ژ ته‌ دكه‌ت، یان ژى هه‌ما چو جاران سه‌باره‌ت ب ڤان پرسیاران ژ ته‌ ناكه‌ت، ئه‌و وى مه‌ره‌ما پێكئینانا هه‌ڤژینیێ د گه‌ل ته‌ دا نینه‌، ژبه‌ركو هه‌تا ئه‌و ناخوازیت ژ وان ئالییان ژى ڤه‌ ل ته‌ نێزیك، كو د ده‌مه‌كى دا ئه‌ڤ لێكێنیزیكبوونه‌ بۆ په‌یوه‌ندییه‌كا راسته‌قیته‌ گه‌له‌ك گرنگن، ئانكو ئه‌و ب تنێ دخوازیت خوه‌ ل ته‌ نێزیك بكه‌ت و بگه‌هیته‌ ئارامانجا خوه‌.
4ــ ئه‌و كوڕێ به‌رده‌وام هێجه‌تان دئینیت بۆ ژڤانێن هه‌وه‌ ل له‌ كافێتریا و خوارنگه‌هان و بزاڤێ دكه‌ت ل جهێن چۆل و بێ قه‌ره‌بالغ ته‌ ببینیت، ئه‌و وى مه‌ره‌مه‌ك نینه‌ ب ناڤێ پێكئینانا هه‌ڤژینیێ د گه‌ل ته‌ دا، ژبه‌ركو ئه‌و دخوازیت ل جهێن چۆل ته‌ ببیت، ب تنێ داكو بشێت ئه‌و مه‌ره‌ما هه‌ى ل جهى د گه‌ل ته‌ دا بجهبینیت.
5ــ دوست و خوه‌شتڤیێن هه‌ڤالێن خوه‌ نه‌ڤێن و به‌رده‌وام ژى ب خرابى باسێ وان دكه‌ت، ژبه‌ركو د بنه‌ڕه‌ت دا ئه‌و حه‌زژ په‌یوه‌ندییا حه‌زژێكرنا راست و دروست ناكه‌ت، ئه‌ڤجا ژبه‌ر ڤێ ئێكێ ل هێڤیێ نه‌به‌ ئه‌ڤ جۆڕه‌ ژى ته‌ وه‌كو هه‌ڤژینا خوه‌ په‌سه‌ند بكه‌ت.
6ــ ده‌ما كو تو و خوه‌شتڤیێ خوه‌ د ترۆمبێلێ دا پێكڤه‌نه‌، گه‌له‌ك لده‌ف وى گرنگه‌ كو چو تشته‌كێ ته‌ د وێ ترۆمبێلێ دا بجهـ نه‌مینیت، ژبه‌ركو دا پشتى هینگێ نه‌بیته‌ به‌لگه‌یه‌ك بۆ وێ ئێكێ كو كچه‌ك د گه‌ل خوه‌ دا ل ترومبێلێ سوار كرییه‌، ژبه‌ركو لدووڤ ڕا دێ هنده‌ك كچێن دى ب وى به‌لگه‌ى هایداربن و په‌یوه‌ندییا خوه‌ دگه‌ل وى كوڕى تێكده‌ن، ئه‌ڤجا ژ ڤێ ره‌فتارا وى دیاردبیت كو ئه‌و ب تنێ بۆ ده‌مبۆراندنێ د گه‌ل ته‌ دایه‌، نه‌كو سوبه‌هى ته‌ بكه‌ته‌ هه‌ڤژینا خوه‌.
7ــ هه‌موو ئاخڤتن و باس و گه‌نگه‌شه‌یێن جۆراوجۆر، ئه‌ڤجا هه‌كه‌ر چو سیاسى بن یان چو ئابوورى بن یان ژى چو هه‌ر تشته‌كێ دى بیت، ئه‌و كوڕه‌ دێ به‌ته‌ لسه‌ر باسێ سێكسى، یان دێ بزاڤێ كه‌ت نۆكته‌ و ئاخڤتنێن سێكسى ده‌رباره‌ى وان ئاخڤتنان بكه‌ت، ئانكو ئه‌و ب تنێ دخوازیت سوحبه‌تێ لسه‌ر سێكسى ڤه‌كه‌ت و هێدى هێدى ته‌ ژى بینته‌ لسه‌ر خه‌تى و هه‌ر حه‌زه‌كا خوه‌ یا سێكسى د گه‌ل ته‌ دا بجهـ بینیت، ئه‌ڤجا ئه‌ڤه‌ نه‌ ئه‌و كوڕه‌ كو خه‌ونان پێڤه‌ ببینى و بكه‌یه‌ قه‌هره‌مانێ ژیانا هه‌ڤژینییا خوه‌.
گه‌لى كچان، ئێدى خوه‌ د په‌یوه‌ندیێن سۆزدارى و ئه‌ڤینداریێ دا خشیم و نه‌زان نه‌كه‌ن و هه‌ر تشتێ كوڕان ژ هه‌وه‌ بڤێت، بۆ ئه‌نجامنه‌ده‌ن و نه‌كه‌ڤنه‌ لژێر بڕیار و ده‌ستهه‌لاتا وان، ئه‌ڤه‌ ژى ب تنێ بۆ وێ ئێكێ داكو هوون هه‌ڤژینیێ پێكبینن و ببنه‌ خودان خێزانێن خوه‌، لێ دڤێت بزانن ئه‌ڤه‌ شاشییه‌كه‌ هوون دكه‌ن، ژبه‌ركو هه‌كه‌ر ته‌ خوه‌ ب ده‌ست كوڕى ڤه‌ به‌ردا و هه‌ر تشته‌كێ خواست، د گه‌ل ته‌ دا ئه‌نجامدا، ئه‌و چو جاران ته‌ وه‌كو هه‌ڤژین بۆ خوه‌ ناخوازیت، یان ژى هه‌كه‌ر تو بۆ خوه‌ خواستى ژى و بوویه‌ هه‌ڤژینا وى، دێ هه‌تا مرنێ لژێر ده‌ستهه‌لاتا وى بى و نه‌شێى وه‌كو خوه‌ و ب ئازادى بژى، ژبه‌ركو هه‌ر ژ ده‌ستپێكا په‌یوه‌ندییا هه‌وه‌ یا سۆزداریێ ته‌ خوه‌ ئێخستییه‌ د ده‌ستێن وى دا و لدووڤ دلێ وى ره‌فتار و هاتنوچۆن كرییه‌. له‌و فه‌ره‌ بزانن كوڕێن به‌رانبه‌رى هه‌وه‌ چو ژ هه‌وه‌ دخوازن، پاشان بڕیارێ بده‌ن كا ب مه‌ره‌ما پێكئینانا هه‌ڤژینیێ، درێژیێ ب وێ په‌یوه‌ندیێ بده‌ن یان ژى ب ئێكجارى وێ په‌یوه‌ندیێ ژناڤببه‌ن.

بابه‌تێن ب ڤێ مژارێ ڤه‌ گرێدای