دێرەزوور.. ھەسەدێ 4 داعشی دەستەسەر کرن

دێرەزوور.. ھەسەدێ 4 داعشی دەستەسەر کرن

WAAR-دهۆك:

ھەسەدێ 4  تیرۆرستێن داعشی ل رۆژھەلاتێ دێرەزوورێ دەستەسەر کرن کو دەست د ئازراندنا خوەنیشاندانێن دژی ھەسەدێ دا ھەبوو.
ھێزێن سووریایا دیمۆکراتیک، ھەسەدێ د بەردەوامییا ھەوێن خوە یێن دەستەسەرکرنا شانەیێن نڤیستی یێن رێکخستنا تیرۆرستی یا داعشێ دا ل گوندەوارێن رۆژھەلاتێ فراتی و دێرەزوورێ و ل گۆری ئاگاھییێن گەھشتینه‌ دەستی، 4  تیرۆرستێن داعشێ ل گوندێ جرزییا رۆژھەلات دەستەسەر کرن.
ل گۆری ژێدەرێن نووچەیان یێن نزیکی ھەسەدێ، وان تیرۆرستان چەک و تەقەمەنی د گەل دا بوون، ھەروەسا ھەژمارەکا پۆستەران د ڤەشارگەھێن وان دا بوون کو د خوەنیشاندانێن داوییێ یێن دژی ھەسەدێ دا ل رۆژھەلاتێ دێرەزوورێ دھاتنه‌ بکارئینان.
ھەیامەکە ھندەک خوەنیشاندان ل گوندەوارێن رۆژھەلاتێ دێرەزوورێ دژی ھەسەدێ دھێنه‌ کرن و ھەسەدە تورکیا، داعش و رژێما سوورییێ ب رێکخستنا وان خونیشاندانان سووچبار دکەت.

بابه‌تێن ب ڤێ مژارێ ڤه‌ گرێدای