دی خیای هه‌ڤبه‌ستا خو دگه‌ل مان یونایتد نوو كر

دی خیای هه‌ڤبه‌ستا خو دگه‌ل مان یونایتد نوو كر

وار – دهوك :

هه‌ر دناڤ نوچه‌یێن خۆلا ئینگلته‌را دا كارگێریا یانه‌یا مانچیسته‌ر یونایتد نووكرنا هه‌ڤبه‌ستا گولپاریزێ ئسپانی دێڤێد دی خیا هه‌تا دوهزارونوزدێ راگه‌هاند دی خیا یێ بیستوپێنج سالی رازیبوو لسه‌ر نووكرنا هه‌ڤبه‌ستا خو بو چار سالێن دی هه‌تا سالا دوهزارونوزدێ و دشیان دایه‌ ئێك سالا دی ژی لسه‌ر زێده‌كه‌ت گولپارێزێ به‌رێ یێ ئه‌تله‌تیكو مه‌درید دلخوشیا خو ب نووكرنا هه‌ڤبه‌ستا مانچسته‌ر یونایتد دیاركر و گوت جهێ دلخوشیا منه‌ به‌رپه‌ره‌كێ نوو دگه‌ل مانچسته‌ر یونایتد ڤه‌كه‌م و من گه‌له‌ك خوشی ژ یاریكرنێ دگه‌ل یاریكه‌رێن مه‌زن لڤێره‌ و به‌رامبه‌ر جه‌ماوه‌رێ به‌رفره‌هێ یانه‌یێ دیتیه‌ و مانچسته‌ر یونایتد بومن یانه‌یایه‌كا تایبه‌ته‌ ، و ب دیتنا من باشترین یانه‌یه‌ بو پاشه‌ روژا من. هه‌ژی گوتنێ یه‌ راپورتێن روژنامه‌یا ده‌یلی مه‌یل یا ئێنگلیزی ئاشكراكریه‌ كو گولپارێزێ مانچسته‌ر یونایتد دێ شه‌ش ملیون پاوه‌ندان وه‌كو موچه‌یێ سالانه‌ وه‌رگریت، دهێته‌ زانین دی خیا گه‌له‌ك ژ ریال مه‌درید نێزیك ببو به‌رامبه‌ر بیستونه‌ه ملیون پاوه‌ندان و گولپارێز كیلور ناڤاس به‌ری هه‌ڤبه‌ستا وی بهێته‌ تێكدان دچركه‌یێن دوماهیێ دا ب ئه‌گه‌رێ گیروكرنا هنارتنا فایلێن وی ژلایێ یانه‌یا مانچسته‌ر یونایتد ڤه‌.

بابه‌تێن ب ڤێ مژارێ ڤه‌ گرێدای