دیۆكۆڤیچ د تێنسا مۆنتیكارلۆ دا پێشكه‌ڤت و ڤاڤرینكا ده‌ركه‌ڤت

دیۆكۆڤیچ د تێنسا مۆنتیكارلۆ دا پێشكه‌ڤت و ڤاڤرینكا ده‌ركه‌ڤت

WAAR-دهۆك:

ستێرا تێنسا سربی پلەدارێ ئێکێ ل جیھانێ نوڤاک دیۆکۆڤیچ دەربازبوو گەرا دووێ ژ قارەمانییا مۆنتیکارلۆ.. دەمێ سەرکەڤتنەکا ب زەحمەت لسەر ھەڤرکێ خوە یێ ئەلمانی فیلیپ کۆلشرایبەری ب دوو کۆمان بەرامبەر کۆمەکێ تۆمارکری. دیۆکۆڤیچی کۆما ئێکێ ب ئەنجامێ شەش چار بدەستڤەبر. و د کۆما دووێدا یاریکەرێ ئەلمانی ڤەگەرییا و ئەنجام وەکھەڤلێکر دەمێ ئەڤ کۆمە شەش چار دبەرژەوەندییا خوە دا ئێکلاکری.. لێ د کۆما سێیێ و یا ڤەبر دا ستێرا تێنسا سربی ھەرزوو سێرڤا کۆلشرایبەری شکاند و ب ھەمان ئەنجامێ کۆمێن بۆری پێشکەڤیت و پلێتا گەرا دووێ بڕی. ژلایەکێ دیڤە یاریکەرێ سۆیسری ستانیسلاس ڤاڤرینکا ژ قارەمانیێ دەرکەڤت. دمێ لسەر دەستێ یاریکەرێ ئیتالی مارکۆ سێچیناتۆی ب کۆمەکێ بەرامبەر دوو کۆمان ھاتییە دۆراندن.. ھەرچەندە ڤاڤرینکا ب تەمامی کۆما ئێکێ کۆنترۆلکر و شییا ب ئەنجامێ شەش چنە پێشکەڤیت. لێ ددیڤدا ستێرا تێنسا ئیتالی ڤەگەرییا و ھەردوو کۆمێن مایی ب ئەنجامێ حەفت پێنج و شەش سێ بدەستڤەبرن و دەربازبوو گەرا دووێ.

بابه‌تێن ب ڤێ مژارێ ڤه‌ گرێدای