دیندار زێباری: هاریكاریێن وه‌لاتان ژبۆ ئاواره‌یێن مووسل ده‌ستپێكرن

 

penabermusil

وار – دهۆک :

هه‌ر ئێك ژ نه‌ته‌وه‌یێن ئێكگرتى‌ و ئێكه‌تییا‌ ئۆرۆپا و ئه‌مریكا و ئێران و تۆركیا و قه‌ته‌ر ده‌ست ب هنارتنا هاریكاریێن مرۆڤایه‌تى بۆ په‌نابه‌رێن مووسل دكه‌ت ب رێیا حكومه‌تا هه‌رێما كوردستانێ.
جێگرێ به‌رپرسێ فه‌رمانگه‌ها په‌یوه‌ندیێن ده‌رڤه‌ یێن حكومه‌تا هه‌رێما كوردستانێ دیندار زێبارى بۆ وار راگه‌هاند، ئه‌مریكا 12 ملیۆن دۆلار كو به‌شه‌ك ژ وان دێ ب رێیا حكومه‌تا هه‌رێما كوردستانێ و به‌شه‌كێ دى ب رێیا رێكخراوێن نێڤده‌وله‌تى بیت بۆ په‌نابه‌رێن مووسل هنارتن.
زێبارى دازانین دوهـى قه‌ته‌رێ 54 ته‌نێن هاریكاریان ب رێیا فرۆكخانه‌یا نێڤده‌وله‌تییا هه‌ولێرێ هنارتینه ‌و ئه‌ڤرۆ ژى دێ گه‌هنه‌ په‌نابه‌رێن تلله‌عفه‌ر ل شنگالێ.
هه‌روه‌سا تۆركیا بۆ 10 هزار كه‌سان هاریكارى كو ژ خیڤه‌ت و خوارن و جلك و پێدڤیێن ناڤ مالێ هنارتینه‌ و ئه‌ڤ چه‌نده‌ به‌رده‌وامه‌.
جێگرێ به‌رپرسێ فه‌رمانگه‌ها په‌یوه‌ندیێن ده‌رڤه‌ دیاركر كو ئیرانێ ژى ده‌ست ب هنارتنا هاریكارییان كریه ‌و هه‌روه‌سا ئێكه‌تییا‌ ئۆرۆپا ژى بڕیار دایه ‌ئۆفیسا خوه ‌یا سه‌ره‌كى ل هه‌ولێرێ ڤه‌كه‌ت بۆ هاریكارییا په‌نابه‌ران.
دیندار زێبارى دیاركر، نه‌ته‌وێن ئێكگرتى ب هه‌موو رێكخراوێن خوه ‌ڤه ‌ب ملیۆنان دۆلار هاریكارى ئاماده‌كرینه‌ و دێ ب سه‌ر په‌نابه‌ران دا هێنه‌ به‌لاڤكرن.
ل گۆر ئامارێن نه‌ته‌وه‌یێن ئێكگرتى 50 ملیۆن په‌نابه‌ر ل جیهانێ هه‌نه‌ كو ئێك ملیۆن ژ وان نها ل هه‌رێما كوردستانێ نه‌.

 

بابه‌تێن ب ڤێ مژارێ ڤه‌ گرێدای