دیارده‌یا مام جه‌لال..

شێرزاد نایف

دبیت خه‌لكه‌ك هه‌رز بكه‌ت كو نڤیسینا ل سه‌ر ڤێ‌ مژارێ‌، وه‌كو ره‌خنه‌كێ‌ كو هه‌ر كه‌سێ‌ وه‌غه‌ر بكه‌ت، ژنووكا ل جه‌م خه‌لكی عه‌زیز دبیت، به‌لێ‌ نابیت كه‌سه‌ك وه‌غه‌ر بكه‌ت ژی تو رابی ب تمتمكا وی داده‌ی، نێ‌ ئه‌و ژی نه‌مێرانی یه‌ و ده‌رڤه‌ی توخیبێن ره‌وشتی دایه‌!!. من دیت نڤیسه‌ره‌كێ‌ سعوودی ب چاكی ل سه‌ر ڤی بابه‌تی نڤیسیی ئه‌ڤه‌ نڤیسینه‌ ژی هه‌ر د ڤێ‌ لاپه‌ری دا هاتیه‌ به‌لاڤكرن، مه‌شاری الزاید. من دیت شه‌رمه‌ ئه‌م نه‌ نڤیسین!!، بلا مرۆڤ وژدانا خوه‌ ئارام بكه‌ت و تشته‌كێ‌ نوو بۆ خه‌لكی دیاركه‌ت، بلا ره‌خنه‌یێن هاڤێتنێ‌ بكه‌ن. تاكێن ملله‌تێ‌ كورد دهێنه‌ ناسین ب تایبه‌تمه‌ندیا خوه‌، هه‌ر ژ هه‌ژاران بگره‌ و كه‌سێن نۆرمال حه‌تا دگه‌هیته‌ سه‌ركرده‌ و یێن ل په‌لیێن مه‌زن، هنده‌ك ژی دبنه‌ دیارده‌ و شوونتلێن خوه‌ دهێلن د ناڤ دیرۆكێ‌ دا، مام جه‌لال ژی وه‌كو كه‌سه‌كێ‌ مللی شه‌عبیه‌تا وی گه‌هشته‌ وی ئاستی، كو مام جه‌لال وه‌كو تاكه‌كێ‌ هه‌ر خێزانه‌كێ‌ یه‌ ل ناڤ هه‌ر خێزانه‌كا كورد دا و ل هه‌می پارچێن كوردستانێ‌، مه‌زنیا ناڤوده‌نگێن وی ژ بچووكاتی و رحسڤكیا وی هاتیه‌، هه‌می سه‌رهاتیێن وی بووینه‌ چیرۆك و ماركه‌ د ناڤ سوحبه‌تێن خه‌لكی دا.. بۆ راگرتنا هه‌لویستێن دژوار هه‌رده‌م ده‌ستێ‌ خوه‌ دایه‌ به‌ر و كه‌سێن تیژ و دژوار ئیناینه‌ ئاشێ‌ هوور ب هه‌ر ره‌نگه‌كێ‌ هه‌بیت، هه‌كه‌ خوه‌ كێماسی ل كه‌ساتیا وی ژی كربیت، ته‌حه‌مولا  سیاسه‌تمه‌دارێن بیانی كرینه‌ پێخه‌مه‌ت به‌رژه‌وه‌ندیا گه‌لێ‌ كوردستانێ‌، وه‌كو ئه‌و سه‌رده‌ریا مالكی ل گه‌ل كری ل ڤێ‌ دووماهیێ‌ حه‌تا گه‌هاندیه‌ راده‌یێ‌ نه‌خۆشیا جه‌لتێ‌. تو خوه‌دی ڤێ‌ خه‌باتا هندا مه‌زن بی و ته‌حملا كه‌سه‌كێ‌ وه‌كو مالكی بكه‌ی، مه‌زنترین تێكۆشانه‌. خوه‌ د وه‌غه‌را داویێ‌ ژی دا، ژ به‌ر نووچه‌یێ‌ وه‌غه‌رێ‌ ئه‌ڤ مژارا گه‌فكرنێ‌ ل سه‌ر كوردستانێ‌ و ئه‌نجامێ‌ ریفراندۆمێ‌ هاته‌ ژبیركرن و هه‌لاویستن ژ شه‌رمێن گیانێ‌ وی دا. له‌ورا من ل سه‌ر لاپه‌رێ‌ خوه‌ یێ‌ فه‌یسبۆكی ژی به‌لاڤكربوو كو خۆ وه‌غه‌را وی ژی بۆ ملله‌تێ‌ وی ببوو ده‌ستكه‌فت!!. ب راستی ژی ئه‌وی ب وه‌غه‌را خوه‌ دونیا هه‌ژاند و هه‌می مه‌حافل ئیناینه‌ ده‌نگ ل گه‌ل مژارا نها یا سه‌ربخوه‌یا كوردستانێ‌. وه‌كو ل سالێن نۆتان ژی و هه‌ولێن وی خێزانا وی مل ب ملێ‌ سه‌رۆك مه‌سعود بارزانی ڤه‌، چه‌ند ده‌نگێ‌ مه‌زلۆمیه‌تێ‌ گه‌هانده‌ جیهانێ‌ و ب تایبه‌ت ئه‌ورۆپا.

سه‌رهاتیه‌كا وی ژ زارده‌ڤێ‌ هه‌ڤاله‌كێ‌ حاكم ل دهۆكێ‌: قوتابیێن كولیژا قانوونێ‌ ل مووسل سالێن حه‌شتێان دپرسن ژ مامۆستایێ‌ خۆ.. كی زیره‌كترین و عاقلترین قوتابی بوو د دیرۆكا كولیژێ‌ دا هاتی؟! .. مامۆستا نه‌وێریا باغڤیت (چونكو هینگی یێ‌ مه‌منوع بوو) هندی هاتنێ‌ نه‌وێریا بێژیت. پاشی دانه‌سیندێ‌ حه‌تا گۆتیێ‌ به‌س نه‌بێژنه‌ كه‌سێ‌ .. گۆتێ‌ جه‌لال تاله‌بانی بوو.. ئه‌و سه‌حبه‌تا رژێما عیراقێ‌ ژی كو سه‌دامی ب تنێ‌ لێبۆرین بۆ وی نه‌ددان .. مام جه‌لال سۆز دابوو سه‌دام كو نه‌زڤریته‌ به‌غدا ب تنێ‌ هه‌كه‌ نه‌ چیته‌ سه‌ر كورسیا وی ل به‌غدا. ب راستی مامه‌ دیارده‌كا سروشتی بوو د ناڤ رێبازا كوردینیێ‌ دا و ب زه‌حمه‌ت كه‌سه‌ك جهێ‌ وی بگریت. ب دروستی ژی ژی وه‌سا چێبوو. وه‌غه‌را وی خێر بیت و جهێ‌ وی بحه‌شت بیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.