دھۆک چاڤەرێی خەلاتێ ئاشتیێ یێ جیھانی یە

دھۆک چاڤەرێی خەلاتێ ئاشتیێ یێ جیھانی یە

WAAR-دهۆك:

بریارە سوبە خەلاتێ باژارێ ئاشتیێ ل سەر ئاستێ جیھانێ بھێتە ئاشکرا کرن و باژارێ دھۆک ژی بۆ بدەستڤەئینانا وی خەلاتی د هه‌ڤركیێ دایه‌.
ئدریس نەبی، رێڤەبەرێ بۆردێ کاروبارێن مرۆڤاتی ل پارێزگەھا دھۆکێ بۆ وار گۆت: د کۆنگرەیێ رابیتەیا ئاڤاکرنا شیانێن حکومەتێن ناڤخوە یا ھۆلەندی دا کو نھا ل ژێرییا ئەفریقیا ب رێڤە دچیت، پارێزگەھا دھۆکێ ب دو سمیناران ل سەر رەوشا پێکڤەژیانێ پشکدارە.
ھەروەسا خوەیا کر: باژارێ دھۆکێ ژ ئالیێ رێکسختنا باژێرڤانییێن حکومی یا ھۆلەندی ھاتییە ھەلبژارتن ل گەل زێدەتری سیھـ و پێنج باژارێن دی ل سەر ئاستێ جیھانێ، بۆ وێ یەکێ خەلاتێ باژارێ ئاشتیێ پێ بھێتە بەخشین و نھا ل گەل پێنج باشترین باژارێن جیھانێ ھەڤرکییا ب دەستڤەئینانا وی خەلاتی دکەت و بریارە سوبە ئەو خەلات بھێتە ئاشکرا کرن.
دھۆک ب باژارێ پێکڤەژیانێ دھێتە نیاسین و شیایە ل سالێن بووری ب سەدان ھزاران ئاوارە و پەنابەران ژ ھەموو ئۆل و نەتەوەییان ل سنۆرێ پارێزگەھێ بنەجھـ بکەت و بپارێزیت و خزمەتا وان بێی جوداھی بکەت.

بابه‌تێن ب ڤێ مژارێ ڤه‌ گرێدای