دکتۆر دێ ئێک پارچەیا عیراقێ ژ کێ پارێزیت؟!

عیماد ئالیخان

پشتی ل گەرا ئێکێ یا رونشتنا پەرلەمانێ عیراقێ د. بەرھەم سالح 165 دەنگ و فوئاد حسێن 89 دەنگ بدەستخوەڤە ئیناین، ھەلبژارتنێن سەرۆککۆمار چو خولا دووێ و د رونشتنا گەرا دووێ دا ژ سەرجەمێ 272 پەرلەمانتاران د. بەرھەم سالح شیا 219 دەنگان ب دەستخوەڤە بینیت د بەرامبەر دا د. فوئاد حسێن 22 دەنگ. پەرلەمانێ عیراقێ ل شەڤا سێ شەمبی رێکەفتی 2/10/2018و ب ئامادەبوونا 302 پەرلەمانتاران بەرھەم سالح ھاتە ھەلبژارتن بۆ سەرۆکاتیا عیراقێ و د. عادل عەبدولمھدی بۆ پێکئینانا کابینا نوو یا حکومەتێ راسپارد. پۆستێ سەرۆککۆماریا عیراقێ بۆ بەربژێرێ حزبا ئێکەتی نیشتمانی کوردستان دکتور بەرھەم سالح و دامەزرێنەرێ حزبا ھاوپەیمانی ب 219 دەنگان ما و بۆ سەرۆکێ عیراقا فیدرال و پشتی کو بەربژێرێ حزبا پارتی دیموکراتا کوردستانێ د. فوئاد حسێن ب بریارا بەرێز مەسعود بارزانی خوە ڤەکێشای و گۆرەپانا سەرۆکاتیێ بۆ بەربژێرێ ئێکەتی نیشتمانی کوردستان مای و ب پرانیا دەنگان بۆ بەرھەم سالح چووین و بۆ سەرۆکێ عیراقێ! پشتی سوند خواندنێ، پەیڤەک پێشکێشکر و گۆت: «دێ ئێک پارچەیا عیراقێ پارێزم، دێ سەرۆکێ ھەموو عیراقێ بم بێ جوداھی ھەولێر و نەجەف بۆ من ئێک مالن، دێ بمە پارێزەرێ دستوری»!! لدەستپێکێ خەونا ھەر تاکە کەسەکی یە کو ل عیراقێ بژیت ژ باکور تا باشور ئێک پارچەیا عیراقێ و ئارامی پێکڤەژیان و …. ھتد ل عیراقێ بەرقەرار بیت، و ژ ڤێ ژین و ژیانا ئالۆز رزگار ببن، لێ ئەڤ گۆتنێن وی جھێ سەرسورمانێ نە و گەلەک ھزر د ناخێ مرۆڤی دا پەیدادبن ژ ئەنجامێ ڤان گۆتنێن دکتۆری!! ئەرێ دێ ئێک پارچەیا عیراقێ ژ کێ و چ پارێزی؟! ئەرێ ئێک پارچەیا عیراقێ دێ ژ خوە یان ھاولاتیان پارێزی؟! کو ددەمەکی دا و بەریا نھا ژ حزبا ئێکەتیێ دۆرکەتبوو و دامەزرێنەرێ حزبا ھاوپەیمانی بوو کۆ ژیێ وێ حزبێ گەلەک یێ کورت بوو و جارەکا دی ڤەگەریا د ناڤ رێزێن ئێکەتیێ دا پشتی کو باڤل تالەبانی و دکتۆر پێک ھاتین بۆ ھەلبژارتنا وی ژ بۆ پوستێ سەرۆکاتیا عیراقێ، ئەڤجا دێ چاوا ئێک پارچەیا عیراقێ پارێزی؟! ددەمەکی دا دەست ژ حزبا خوە بەردا پێخەمەت ب دەستڤەئینانا پۆستێ سەرۆککۆماریێ؟! ئەگەر دکتوری شیانێن پاراستنا ئێک رێزیا حزبا ئێکەتی یان ھاوپەیمانی نەبن، دێ چاوا شیانێن ئێک رێزیا عیراقا ژناڤچووی و وێران پارێزیت؟! یان ژی ئەو چ یاسا و دستورن ئەوی مەبەست پێ کو دێ پارێزەرێ دستوری بیت؟! کۆ ددەمەکی دا و بەری دەمێ ھەلبژارتنا سەرۆککۆماری ب دەمەکێ کێم وی پێگیری ب یاسایێ نەکر و ژ پارتی دیموکراتی کوردستان خواست دو سالێن سەرۆکاتیێ بۆ پارتی بن و دو سالێن دیتر بۆ ئێکەتیێ، لێ پارتی ئەو پێشنیار رەتکر. ھەروەسا د. بەرھەم پێش وەخت بۆ ئێک ژ کەنالێن راگەھاندنێ راگەھاندبوو و گۆت «پۆستێ سەرۆک کۆماریا عیراقێ بۆ من ھاتبوو عەرزکرن، لێ من قەبوول نەکر چونکی بەراستی عەیبە ل سەر حسابا بەشەکی مۆچەی خانەنشینێن مامۆستای ببمە سەرۆک کۆمار»!!! دکتۆر پا بۆچی تە پۆستێ سەرۆک کۆمار وەرگرت؟ ما تە نەگۆتبوو عەیبە؟! ئەو عەیبە چ لێھات؟! ئەو کەسێ حزبا خوە د چەند دەمژمێرەکێن کێم دا فرۆتی دێ ل دەمەکێ نێزیک عیراقێ ژی ب بھایەکێ ئەرزان فرۆشیت، ژ بۆ ھەر مەبەستەکا خوە، ئھا ب ڤی رەنگی دێ ئێکرێزیا عیراقێ پارێزیت و ئەڤە کۆرتیا شرۆڤەیا گۆتنێن وی یە! و عیراق ژ تێکدان، شەر و تیرۆر و …. ھتد بەرەڤ پاشەرۆژەکا نە ئێکگرتی و وێرانکارتر و و شەری ڤە دێ دچیت و رۆخیت!.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.