دڤێت ئافرەت ببیتە سەرێ رومێ بیت بۆ گەھشتن ب ئارمانجێن خوە

وەحیدا پاشا

گەلەک جارا حەزو ڤیانا ئافرەتێ ناخوازیت بکەڤیت ناڤ بوارێ سیاسی دا گەلەک جارا ژی لبەر ھەست نازکیی و داب و نەریتا دەرناکەڤیت ، جڤاک ب رەنگەکێ رێژەیی گەلەک کاریگەری ھەیە لسەر شیانێن ئافرەتا بەلێ ئەڤە پتر ل سالێن بەرێ دھاتە دیتن ، نوکە ھەتا رادەیەکێ باش جڤاک بەرەڤ پیشچۆیە تاکێن جڤاکی پتر تێگەھشتینە ھەمبەر ئافرەتێ لەورا رێژەکا باش ئافرەتا دھێنە دیتن ل بوارێن جودا نمونێن مینا حەپسەخانا نەقیب و مەستورێ ھەنە ،مخابن ل ناڤ جڤاکێ کوردستانێ دا رێژەکا ھەرێ مەزن ئافرەت بۆینە قوربانیێن ب کارئینانا تورێن جڤاکی بەرامبەر رەگەزێ نێر بۆ نمونە :-نورمال ترین خال ئافرەتەک نەشێت ب ئازادی وێنێ خوە ل تورێن جڤاکی بەلاڤ بکەت ھەرچەند حەز ژی بکەت گەلەک جارا ژی ئەڤ تورێن جڤاکێ بۆینە ئەگەرێ ژێکڤەبۆنا ژن و مێران و دووماھی ب ژیانا خێزانەکێ ھاتیەو خراب بۆیەو قوربانیا ئێکێ و سەرەکی ژی ئافرەتە،ئافرەتێ ب گشتی باوەریا ب خوە ھەی بەلێ گەلەک جارا دابو نەریت رێگرن بەرمبەر شیانێن وێ ھەردەما ئافرەت بۆ خودان کار گەلەک ب رژدی کار دکەت بەلێ مخابن ل کوردستانێ گەلەک جارا گرنگیێ ب رژدیا کاری نادەن وەک پێدڤی قانون کارێ خوە ناکەت ، نەبۆنا چۆ پشتەڤانا بۆ ئافرەتێ کو نەشێت چۆ پێنگاڤا بھاڤێژیت ئەڤ چەندە ژی ببن ئەگەر کو سەرنەڤیت ئافرەتا کورد ئازادیا وێ یا سنوردار کریە سەرەرای کو پتر ل رەگەزێ بەرامبەر ھزرا کارێ دکەت بەلێ مانەڤەیا ئافرەتێ بەردەوامێ ل مال توشی خەموکیێ و بێزاریێ دبیت ،دەما زەلام  ئافرەتێ وەک کەرەستە دبینیت ب تنێ بۆ تێرکرنا غەریزا سکسی چۆ جارا نەشێت وەک ھەڤیێ دروست بکەت ناڤبەرا ھەردوو رەگەزا،ھەروەسا جڤاکێ کێم ئەزمون ھەتا نوکە نەشیایە ئافرەت بەرپرسیاریەتیا ئێکێ وەرگریت ژبلی چەندین سالا بۆ جارا ئێکی ئافرەتەک بۆ سەرۆکا پەرلەمانێ کوردستانێ ل چۆ جھەکێ ئەگەر وەرگربیت وی پوستی دەسھەلات یا کێم بۆیە ، پێدڤیە ئافرەت وێ رێگریێ بشکینێت نەک رێک بۆ بھێتە خوشکرن پێدڤیە ئافرەت بۆ خوە سەرێ رومێ بیت بۆ گەھشتن ب ئارمانجێن خوە .

بابه‌تێن ب ڤێ مژارێ ڤه‌ گرێدای