دو سال ب سەر کۆمکوژی و ئاوارەبوونا خەلکێ رۆھینگیا دەرباز بوون

دو سال ب سەر کۆمکوژی و ئاوارەبوونا خەلکێ رۆھینگیا دەرباز بوون

WAAR-دهۆك:

ئەڤرۆ دو سال ب سەر کۆمکوژی و ئاوارەبوونا بۆسرمانێن رۆھینگیا یێن میانمارێ دەرباز بوون و تا نھا ئەو خەلکە نە ڤەگەریاینە دەڤەرێن خوە.
د رۆژەکا وەکی ئەڤرۆ دا بەری دو سالان زێدەتر ژ حەفتسەد ھزار بوسرمانێن ویلایەتا ئاراکان یێن مینامارێ ژ بەر ترسا ھێرشێن سوپایێ وی وەلاتی و کوشتنا ب کۆم، رەڤینە سنۆرێن بەنگلادشێ و نھا د ناڤ کەمپان دا و د رەوشەکا خراب دا ل دەڤەرا کۆکس بازار یا وی وەلاتی دژین و ژ ترسا دوبارە ھێرشان د ترسن ڤەگەرن.
نەتەوەیێن ئێکگرتی ب ھەماھەنگی د گەل حکومەتا بەنگلادش و میانمارێ دو جاران بزاڤ کرینە وان پەنابەران ڤەگەرینن دەڤەرێن وان، لێ ئەو قەبوول ناکەن ڤەگەرن و د بێژن، چ گرەنتی نینن کو ئەوا بەری دو سالان ب سەرێ وان ھاتی، دوبارە نەبیت.
بوسرمانێن رۆھینگیا ل دەڤەرا ئاراکان دژین ل میانمارێ، لێ حکومەتا وی وەلاتی وی خەلکی ب وەلاتیێن خوە نابینیت و تا نھا ناسنامە ژی ب وان نەداینە.

بابه‌تێن ب ڤێ مژارێ ڤه‌ گرێدای