دووبارە ئاڤەدانکرن

دووبارە ئاڤەدانکرن

ئاشتی فەتحی بێسفکی

پشتی ھاتنا رێکخراوا تیرورستی یا دەولەتا ئیسلامی ل عیراق و شام (داعش) بو وەلاتێ عیراقێ ل سالا ٢٠١٤ بویە ھوکارێ تێکدانا فاکتەرێ ئارامیێ ل سەرانسەری عیراقێ کو ھەرێما کوردستانێ ژی ژ ئەڤێ مەترسیێ بێ بەھر نەبوویە لەوران توشی دەھان نەخوشی و نەھامەتیێن مەزن بوو ل سەر دەستێ ئەڤێ رێکخراوا تیرورستی یا جیھانی ، ژ تالانکرن و جیوناساید و کوشتارێن مەزن ب سەرێ ملەتێ کورد ئینان ، ھەر ژ دەست پێکا چالاکیێن ئەڤێ رێکخراوا تیرورستی یا داعش بوونە ھوکارێ پەکخستنا سەرجەم کار و وەبەرھێنان و خزمەتگوزاریێن گشتی ل سەرانسەری ھەرێما کوردستانێ د گشت بواران دا ، سەرەرای ھندێ کو پێشتر ھژمارەکا مەزنا کومپانیێن جیھانی ل ھەرێما کوردستانێ کاردکر ژبو ئاڤەدانکرنا ھەرێما کوردستانێ د سەرجەم بوارێن جودا جودا دا ، پشتی دوماھیک ھاتنا شەرێ تیرورستی یآ رێکخراوا داعش ل ٧ ی کانونا ئێکێ یا سالا ٢٠١٧ و شکەستنا ئەڤێ رێکخراوا جیھانی ل سەردەستێ پێشمەرگەیێن قەھرەمان و سوپایێ عیراقێ و پشتەڤانیا ھەڤپەیمانیا نیڤدەولەتی ، ئێدی ملەتێ کورد شیان ھندەک دەمژمێران ب ئازادی پال بکەڤن ، لەوران پشتی دوماھیک ھاتنا شەرێ تیرورستی یێ داعش د نوکە دا جارەکا دیتر ھەرێما کوردستانێ پێدڤیاتی ب ئاڤەدانکرن و خزمەتگوزاریێن گشتی یە د گشت بواران دا ، دەست پێکرنا گفتوگویێن دناڤبەرا ھەولێر و بەغدا ل ٢٠ خزیرانا سالا ٢٠١٩ بو چارەسەرکرنا ئاریشەیێن ھەلاویستی بوویە پالدەرەکێ مەزن ژبو سەرنج راکێشانا کومپانی و دەستەیێن بازرگانی د وەبەرھێنان و پشکداریکرن د بەردەوامی دان ب ئاڤەدانکرنا ھەرێما کوردستانێ ، لەوران ئیمزاکرنا یاداشتناما لێک گەھشتنێ دناڤبەرا ژوورا بازرگانی یا ھەرێما کوردستانێ و ژوورا بازرگانی یا ویلایەتیێن ئێکگرتی یێن ئەمریکا ل ٢٣ ی خزیرانا سالا ٢٠١٩ ب ئامادەبونا سەروکێ ھەرێما کوردستانێ (نێچیرڤان بارزانی ) و جێگرێ ھاریکارێ وەزیرێ دەرڤە یێ ویلایەتیێن ئێکگرتی یێن ئەمریکا (ئەندرو پیک) پێنگاڤەکا گەلەک مەزنە د ئاراستەکرنا کومپانیێن ئەمریکی د ئاڤەدانکرنا ھەرێما کوردستانێ دا ، سەرەرای ھندێ کو ھژمارەکا کومپانیێن ئەمریکی ل ھەرێما کوردستانێ بەردەوامی کاردکەن ، ل دەما شەرێ پێشمەرگەیێ قەھرەمان ل دژی رێکخراوا تیرورستی یا داعش دا بەردەوام بوون لسەر کارێ خو و ھەرێما کوردستانێ بتنێ نەھێلا ، لەورا د نەخوشترین ئاستەنگێن روی ب روی ھەرێما کوردستانێ بوین ئەمریکا خوە ب خودانێن کوردان زانیە ، لەوران پرانیا نڤیسەر و شلوڤەکارێن نافخوی و نیڤدەولەتی رولێ سەروکێ ھەرێما کوردستانێ (نێچیرڤان بارزانی) د ئاراستەکرنا دووبارە ئاڤەدانکرنا ھەرێما کوردستانێ ب بەرز دنرخینن رول و شوین تبلێن وی د دەما دەرباز بوی دا د ئاڤەدانکرن و پێشخستنا سەرجەم بوارێن جودا جودا ل ھەرێما کوردستانێ یا رون و ئاشکەرایە .

بابه‌تێن ب ڤێ مژارێ ڤه‌ گرێدای