دوماهييه‌كا پێشوه‌خت ژ كاسا شاهێ ئسپانیایێ

دوماهييه‌كا پێشوه‌خت ژ كاسا شاهێ ئسپانیایێ

وار – دهۆک :

سه‌ركه‌ڤتنا 24ێ دێ بۆ به‌رشه‌ بیت یان ئه‌تله‌تیكۆ دێ كه‌ته‌ 14 سه‌ركه‌ڤتن
بڕیاره‌ ئه‌ڤ شه‌ڤه‌ سێ یاری ژ قۆناغا چارێك دوماهییا كاسا شاهێ ئسپانییا بهێنه‌ كرن، بهێزترین یاری لده‌مژمێر 11ێ ب شه‌ڤ دێ دناڤبه‌را هه‌ردو یانه‌یێن به‌رشه‌لۆنا و ئه‌تله‌تیكۆ مه‌درید دا هێته‌ كرن، ئه‌ڤ یارییه‌ دهێته‌ هه‌ژمارتن یارییا دوماهییا كاسا شاهێ ئسپانییا، ژبه‌ركو هه‌ردو جه‌مسه‌رێن ته‌پاپێی یێن ئسپانییانه‌ پشتی تیما یانه‌یا ریال مه‌درید ئه‌وا لسه‌ر ده‌ستێ یانه‌یا ئه‌تله‌تیكۆ ژ هه‌ڤڕكییان دوور ئێخستی، تیما سه‌ركه‌ڤتنێ بینیت تا راده‌كێ باش دێ بیته‌ خۆدانا ناسناڤێ كاسا شاهی یا ئه‌ڤ ساله‌ هێته‌ خه‌لاتكرن.
ئه‌ڤ یارییه‌ دبیته‌ یارییا 44ێ د خول و كاسا ئسپانییا و یاریێن خولێن ئۆرۆپیدا د ماوه‌یێ 48 سالێن بۆریدا دگه‌ل ئێك كرینه‌، یانه‌یا كه‌ته‌لۆنی شیایه‌ 23 سه‌ركه‌ڤتنان لسه‌ر ئه‌تله‌تیكۆ بینیت، به‌رامبه‌ر 13 سه‌ركه‌ڤتنان بۆ ئه‌تله‌تیكۆ مه‌درید، هه‌ر وه‌سان د هه‌شت یارییاندا هه‌ردو تیم وه‌كهه‌ڤبووینه‌.
لدۆر ڤێ یاریێ راهێنه‌رێ یانه‌یا ئه‌تله‌تیكۆ دییكۆ سمیۆنی دیاردكه‌ت كو یارییا وان به‌رامبه‌ر بهێزترین تیمه‌ ل جیهانێ یا ڤی سه‌رده‌می و به‌رشه‌ ژ هه‌ر ده‌مه‌كی باشتره‌ و دێ یارییه‌كا گه‌له‌ك ب زه‌حمه‌ت بیت بۆ یاریكه‌رێن وی، ژبه‌ركو یاری دناڤ ئه‌ردو جه‌ماوه‌رێ به‌رشه‌یه‌ و دیسان دبێژیت بۆ ڤێ یاریێ من پلانه‌كا تایبه‌ت دانایه‌ و ب هیڤییا وێ چه‌ندێ ژ ئه‌نجامی د رازیبین و نه‌بیته‌ بارگرانی بۆ یاریكه‌رێن مه‌ د یارییا هاتنێ دا، لێ هه‌ر چه‌وا بیت ئه‌وا مه‌ دگه‌ل ریال ئه‌نجام دای ئه‌ز یێ ل وێ باوه‌رێ دگه‌ل به‌رشه‌ ژی بڤی ره‌نگی بیت و تۆلێن خۆ یێن یارییا بۆری ژێڤه‌كه‌ین.
هه‌ر ژ یاریێن ئه‌ڤرۆ یێن كاسا شاهێ ئسپانییا لده‌مژمێر 10ێ ب شه‌ڤ یانه‌یا فیاریال دێ مێڤاندارییا خیتافی كه‌ت، هه‌ر وه‌سان لده‌مژمێر 12ێ ب شه‌ڤ ئه‌تله‌تیكۆ بیلباو دێ بیته‌ مێڤانا مه‌له‌گا كه‌ت.

بابه‌تێن ب ڤێ مژارێ ڤه‌ گرێدای