ده‌ڤه‌را ئامێدیێ.. بۆمبه‌كا چاندی ب پاسه‌كێ ڤه‌ په‌قی

ده‌ڤه‌را ئامێدیێ.. بۆمبه‌كا چاندی ب پاسه‌كێ ڤه‌ په‌قی

WAAR-دهۆك:

بۆمبەکا چاندی ئەڤرۆ ل سەر رێیا ناڤبەرا دھۆک و ئامێدیێ ب پاسەکا سوپایێ تورکیا ڤە پەقی و پێنج سەرباز و دو شۆفێر بریندار کرن.
ژێدەرەکێ ئەمنی تایبەت بۆ وار راگەھاند؛ بۆمبه‌كا چاندی ئەڤرۆ ل سەر رێیا ناڤبەرا دھۆک و ئامێدیێ ل نێزیکی گوندێ سەیداڤا ب پاسەکا سوپایێ تورکیا ڤە پەقی و ب وێ ئەگەرێ پێنج سەربازێن تورکیا و دو شۆفێرێن پاسان كو كورد بوون بریندار بوون، پشتى چاره‌سه‌رییا ده‌ستپێكى بۆ هاتییه‌كرن، هه‌ر هه‌موو بۆ نه‌خوشخانه‌یێن توركیا هاتنه‌ ره‌وانه‌كرن.
دیار ژی کر، رێکارێن توند ل سەر رێکێ هاتینه‌ وه‌رگرتن و ل ده‌ستپێكێ رێ نه‌هات دان چ ئالییەک جهێ بوویەرێ وێنە بکەت.
زانیاری ئاماژێ دده‌ن، كو گەریلایێن پارتییا کارکەرێن کوردستانێ پەکەکێ ئەو بۆمبە کو ژ ماددەیێ تی ئێن تیێ ھاتییە دروست کرن ل بەر سوپایێ تورکیا دانابوو.

بابه‌تێن ب ڤێ مژارێ ڤه‌ گرێدای