ده‌میرتاشى داخواز ژ توركیا كر دانوستاندنان ل گه‌ل كوردێن سووریێ بكه‌ت

ده‌میرتاشى داخواز ژ توركیا كر دانوستاندنان ل گه‌ل كوردێن سووریێ بكه‌ت

WAAR-دھۆك:

سه‌لاحه‌دین ده‌میرتاش، هه‌ڤسه‌رۆكێ زیندانیكرى یێ هه‌ده‌پێ راگه‌هاند: ئێكى ‌مه‌ها بهێت دێ دادگه‌ها ئه‌ورۆپا د به‌رژه‌وه‌ندییا وى دا بریارێ ده‌ت و داخواز ژ حكومه‌تا توركیا ژى كر، دانوستاندنان ل گه‌ل كوردێن سووریێ بكه‌ت.
ده‌میرتاشى بۆ رۆژنامه‌یا بیگوین یا توركى گۆت: هه‌موو به‌لگه‌یێن پێدڤى بۆ ئازادكرنا وى ل به‌ر ده‌ستن و چاڤه‌رێیه ‌ل ئێكى مه‌ها ئیلۆنێ دادگه‌ها مافێن مرۆڤى یا ئه‌ورۆپا ل دۆر كه‌یسا وى كۆم ببیت و بریارێ د به‌رژه‌وه‌ندییا وى دا بده‌ت و ئه‌ڤ بریاره‌ ژى بۆ كه‌یسا وى گه‌له‌كا گرنگه‌.
ده‌رباره‌ى سووریێ ژى ده‌میرتاشى داخواز ژ حكومه‌تا توركیا كر، دانوستاندنێن راسته‌وخوه‌ ل گه‌ل كوردێن رۆژئاڤایێ كوردستانێ بكه‌ت.
سه‌لاحه‌دین ده‌میرتاش، هه‌ڤسه‌رۆكێ هه‌ده‌پێ ل چارى مه‌ها یازده‌ یا سالا دو هزار و شازدێ، ب سووچا بانگه‌شێ بۆ په‌كه‌كێ هاتییه‌ گرتن و تا نها د زیندانێ دا یه‌.

بابه‌تێن ب ڤێ مژارێ ڤه‌ گرێدای