ده‌ما تووشى خه‌مۆكیێ دبى، دێ چاوا خوه‌ قورتالكه‌ى؟

ده‌ما تووشى خه‌مۆكیێ دبى، دێ چاوا خوه‌ قورتالكه‌ى؟

وار – دهۆک :

گه‌له‌ك که‌س هه‌نه‌ كو ژبه‌ر هه‌ر سه‌ده‌مه‌كێ بیت ب ده‌ستێن خه‌مۆكیێ دنالن، ئه‌ڤ خه‌مۆكییه‌ ژى دبیت رادده‌ و پله‌یێن جودا هه‌بن و ژیانا هنده‌ك كه‌سان دكه‌ته‌ ‌دۆزه‌خ و چو تام و خوه‌شییه‌كێ ژ ژیانێ نابینیت، ئه‌ڤ باره‌ ژى لده‌ف هه‌رده‌ ره‌گه‌زان هه‌یه‌.
بۆ قورتالبوون ژ خه‌مۆكیێ به‌رى هه‌ر تشته‌كى، پێدڤییه‌ لدووڤ سه‌ده‌مێن خه‌مۆكیێ دا بگه‌رى، پاشان هزر ل چاره‌سه‌ركرنێ بكه‌ى، ژبه‌ركو ژێده‌رێ خه‌مۆكیێ پێدڤى ب كار و راهێنانێن زێده‌ هه‌یه‌ بۆ قورتالبوون ژ گرفتێن ژیانێ.
گه‌له‌ك ژ ده‌رمانان نه‌شێن چاره‌سه‌رییا سه‌ده‌مێن خه‌مۆكیێ بكه‌ن، ژبه‌ركو گه‌له‌ك كه‌س ژبه‌ر گرفتێن كارێن رۆژانه‌ و گرفتێن تایبه‌ت ڤه‌ تووشى خه‌مۆكیێ دبن. دیسان ئاوایێ ژیانێ ژى دبیت ئێك ژ سه‌ده‌مێن خه‌مۆكیێ بیت، ئه‌ڤه‌ ژى تا رادده‌یه‌كى بۆ مرۆڤى ب ره‌حمه‌ته‌ كو بزاڤێ بكه‌ت هنده‌ك ژ رێ و ئاوایێن ژیانێ بگوهۆڕیت.
بێزاربوون ئێکه‌ ژ سه‌ده‌مێن په‌یدابوونا خه‌مۆکیێ، بێى كو مرۆڤ پێ بزانیت، ئه‌ڤجا ژبه‌ر ڤێ ئێكێ هه‌كه‌ر ته‌ هه‌ستكر كو ژیانا ته‌ یا ڕۆژانه‌ فاكته‌ره‌كه‌ بۆ بێزاربوونا ته‌، ل وى ده‌مى پێدڤییه‌ تو هنده‌ك گۆرانكارییان د ژیانا خوه‌ دا بكه‌ى و خوه‌ ب هنده‌ك چالاكیێن وه‌رزشى ڤه‌ مژوول بكه‌ى، د گه‌ل هه‌ڤال و ئه‌ندامێن خێزانا خوه‌ دا گه‌شتان بكه‌ى، ژبه‌ركو ده‌ما كو مرۆڤ ب هزركرن ژ ژیانا خوه‌ ڤه‌ مژوول بیت، ل وى ده‌مى ده‌لیڤه‌یا تووشبوونێ ب خه‌مۆكیێ كێمتر دبیت، لێ دبیت ئه‌ڤ رێیه‌ ژى بۆ خه‌مۆكیێ چاره‌سه‌ره‌كا بنه‌ڕه‌تى نه‌بیت كو چه‌ند جۆره‌ك هه‌نه‌.
ژ ئالییه‌كێ دیڤه‌ هه‌كه‌ر ته‌ هه‌ستكر كو سه‌ده‌مێن هه‌بوونا خه‌مۆكیێ لده‌ف ته‌، ژده‌رڤه‌ى ده‌ستهه‌لاتا ته‌ دانه‌، ل وى ده‌مى ته‌ پێدڤى ب ده‌رمان و چاره‌سه‌رییا نۆشدارى پزیشکی هه‌یه‌ و د ڤان باران دا گه‌له‌ك گرنگه‌ سه‌ره‌دانا نۆشداره‌كێ تایبه‌تمه‌ندێ ده‌روونى بكه‌ى و گرفتا خوه‌ بۆ وى باسبكه‌ى.
ب ئاوایه‌كێ گشتى خه‌مۆکی باره‌کێ ده‌روونیێ هند ب زه‌حمه‌ت نینه‌ كو نه‌هێته‌ چاره‌سه‌ركرن.

بابه‌تێن ب ڤێ مژارێ ڤه‌ گرێدای