WAAR-دهۆك:
دەرهێنەرێ فرەنسى یێ هەلگرێ خەلاتێ ئۆسکارێ، رۆمەن پۆلنسکی ب تۆمەتا دەستدرێژیێ ژ ئالیێ ژنەکێ ڤە هاتیە سووچبارکرن.
رۆژنامەیا لا پاریسیان بەلاڤکریە، ژنەکێ دیارکریە ل سالا هزار و نەهسەد و حەفتێ و پێنچی و دەماکو ژیێ وێ بتنێ هەژدە سال دەستدرێژیێ ژ ئالیێ دەرهێنەرێ ناڤهاتی ڤە ل سویسرا ل سەر هاتیە کرن.
پارێزەرێ پۆلنسکی ژی رادگەهینیت، هەموو تومەت ژ ئالیێ دەرهێنەری ڤە هاتینە رەتکرن.
هەژی گۆتنێ یە، بۆ دەمێ چەندین سالانە پۆلنسکی ژ ئالیێ دادگەها ئەمریکی ژی ڤە یێ داخوازکریە ژبەر گۆنەهباربوونا وی ب دەستدرێژیێ ل سەر کچه‌كا سێزدە سالی ل سالا هزار و نەهسەد و حەفتێ و حەفتێ ل وی وەلاتی.
