دهۆك و زاخۆ د كۆمێن نه‌فتێ و ئاگرین دا

دهۆك و زاخۆ د كۆمێن نه‌فتێ و ئاگرین دا

وار:دهۆک

دوهی ب شێوه‌یه‌كێ فه‌رمی پشككێشانا خولا ئیراقێ یا ته‌پاپێی بۆ یانه‌یێن پلا نایاب بۆ وه‌رزێ 2015/2016 ل باره‌گایێ ئێكه‌تییا ته‌پاپێی یا ئیراقێ هاته‌ هێشان، ئه‌وا تێدا 20 یانه‌ هاتینه‌ به‌لاڤكرن لسه‌ر دو كۆمان، سه‌ركێشێن هه‌ردو كۆمان نه‌فت ئه‌لوه‌سه‌ت قاره‌مانا وه‌رزێ بۆری و جه‌وییه‌ خودانا رێزا دووێ هاتنه‌ به‌لاڤكرن، هه‌ردو یانه‌یێن پارێزگه‌هێ دهۆك و زاخۆ د كۆمێن ئێك و دو دابوون و بڤی ره‌نگی بوون.
كۆمائێكێ: نه‌فت ئه‌لوه‌سه‌ت، دهۆك،تەلەبە، زەورا، كەرخ، نەفت، كارەبا، نەفتی جنوب، سەماوە، نەفت میسان.
كۆما دووێ: جەویە، زاخۆ، شورتە، هەولێر، نەجەف، ئەمانە بەغداد، حدود، سەناعە، مینا، كەربلا.
یاریێن هه‌ردو كۆمان دێ ب شێوه‌یێ خول هاتن و چوون هێنه‌كرن، ژ هه‌ر كۆمه‌كێ چار یانه‌ دێ ده‌ربازبنه‌ قۆناغا دوماهیێ و یاریێن ڤێ قۆناغێ ژی دی ب شێوه‌یێ هاتن وچوون بن دیسان هه‌ر تیمه‌كا ده‌ربازبیته‌ ڤێ قۆناغێ دێ خالێن خۆ یێن د كۆماندا كۆمكرین دێ بۆ قۆناغا دوماهیێ هێنه‌ هژمارتن وبه‌رده‌وامیێ پێده‌ت، ده‌ستپێكا خولێ دێ ل 14 و 15ێ هه‌یڤا ئه‌یلونا بهێت ده‌ستپێكه‌ن، دناڤبه‌را هه‌ر پێنچ رۆژان دا یارییه‌ك دێ هیته‌كرن، دیسان قاره‌مانییا كاسا ئیراقێ ژی دێ ل 5 و 6ێ هه‌یڤا چڕییا ئێكێ یا بهێت هێنه‌كرن.
لدیڤ خشته‌یێ ئێكه‌تییا ته‌پاپێی یاریێن قۆناغا ئێكێ دێ ل 6/11/2015 ب دوماهی هێت، بێهنڤه‌دانا دناڤبه‌را هه‌ردو قۆناغاندا هه‌یڤه‌كه‌ و دیڤدا یاریێن قۆناغا دووێ دێ ل 6/12/2015 ده‌ستپێكه‌ن و دوماهی یاری دێ ل 19/1/2016 هێنه‌كرن، ئه‌ڤ خشته‌ لدیڤ پێشبینیێن ئێكه‌تیێ هاتیه‌ دروستكرن ئه‌گه‌ر قاره‌مانییا كه‌نداڤی هاته‌ پاشئێخستن.
هه‌ر دیسان یانه‌یا هه‌ولێر تیما سێیێ یا هه‌رێما كوردستانێ د خولێ دا دێ یارییا خۆ یا ئێكی دناڤ ئه‌رد و جه‌ماوه‌رێ خۆ دا دگه‌ل یانه‌یا به‌غدا كه‌ت .

بابه‌تێن ب ڤێ مژارێ ڤه‌ گرێدای