دهۆك.. دیدارا ئاشتی و ئاساییشا رۆژهەلاتا ناڤین دهێت کرن

دهۆك.. دیدارا ئاشتی و ئاساییشا رۆژهەلاتا ناڤین دهێت کرن

WAAR-دهۆك:

سه‌رۆكێ هه‌رێما كوردستانێ ئه‌ڤرۆ گۆتاره‌ك د دیدارا ئاشتی و ئاساییشا رۆژهه‌لاتا ناڤین دا پێشكێش کر و سه‌رۆكێ حكومه‌تا هه‌رێمێ ژی دێ به‌شداری دیبه‌یته‌كا تایبه‌ت بیت.
ل دویه‌م رۆژا دیدارا ئاشتی و ئاساییشا رۆژهه‌لاتا ناڤین دا كو ل زانكۆیا ئه‌مریكی ل پارێزگه‌ها دهۆكێ دهێت برێڤه‌برن، سه‌رۆكێ هه‌رێما كوردستانێ و سه‌رۆكێ جڤاتا وه‌زیران پشكدارن و به‌حسا رۆژه‌ڤا هه‌رێمێ و ده‌ڤه‌رێ دكه‌ن.
نێچیرڤان بارزانی گۆتاره‌ك د چارچووڤەیێ دیدارێ دا پێشکێش کر و راگەهاند، پاراستنا ئاساییش و ئارامییا دەڤەرێ، ئەرکێ هەموو وەلاتێن دەڤەرێ یە و پێدڤییە هەموو کێشە ب دانوستاندن چارە ببن.
ل گۆری به‌رنامه‌یا دیدارێ، مه‌سروور بارزانی سه‌رۆكێ حكومه‌تا هه‌رێما كوردستانێ دێ ل سات دوێ پشتی نیڤرۆ پشکداری دیبه‌یته‌كا تایبه‌ت بیت.
دیدارا ئاشتی و ئاساییشا رۆژهه‌لاتا ناڤین ژ ئالیێ زانكۆیا ئه‌مریكی یا پارێزگه‌ها دهۆكێ ڤه‌ هاتییه‌ رێكخستن هه‌ژماره‌كا به‌رپرسێن ئاست بلند یێن حكومه‌تا هه‌رێمێ، بسپۆر و سیاسه‌تمه‌دارێن ناڤخۆ و بیانی، تێدا پشكدارن، هه‌روه‌ها چه‌ندین كه‌ساتی ، بسپۆر، شاره‌زایێن سیاسی و ئاساییشا رۆژهەلاتا ناڤین، ئه‌ورۆپا و ئه‌مریكا.
د رۆژا ئێكێ یا دیدارێ دا، بێرنارد كۆشنه‌ر وه‌زیرێ ده‌رڤه‌ یێ فره‌نسا یێ به‌رێ و قوباد تاله‌بانی جێگرێ سه‌رۆكوه‌زیرێن هه‌رێما كوردستانێ، ره‌وشا ده‌ڤه‌رێ و ئاشتییا رۆژهەلاتا ناڤین و گوهۆرینێن هه‌رێمێ باس كرن.

بابه‌تێن ب ڤێ مژارێ ڤه‌ گرێدای