دهۆك.. دیدارا ئاشتی و ئاساییشا رۆژهه‌لاتا ناڤین ده‌ست ب كارێن خوه‌ كر

دهۆك.. دیدارا ئاشتی و ئاساییشا رۆژهه‌لاتا ناڤین ده‌ست ب كارێن خوه‌ كر

WAAR-دهۆك:

دیدارا ئاشتی و ئاساییشا رۆژهه‌لاتا ناڤین ئه‌ڤرۆ ل زانكۆیا ئه‌مریكی ل پارێزگه‌ها دهۆكێ ده‌ست ب كارێن خوه‌ كر، سه‌رۆكێ هه‌رێما كوردستانێ و سه‌رۆكێ وه‌زیران ژی دێ پشكدار بن.
به‌رنامه‌یا دیدارا ئاشتی و ئاساییشا رۆژهه‌لاتا ناڤین ئه‌ڤرۆ ل زانكۆیا ئه‌مریكی یا پارێزگه‌ها دهۆكێ ده‌ست ب كارێن خوه‌ كر و بریاره‌ د ده‌ما دو رۆژێن بهێن دا، هه‌ژماره‌كا به‌رپرسێن ئاست بلند یێن حكومه‌تا هه‌رێمێ، بسپۆر و سیاسه‌تمه‌دارێن ناڤخۆ و بیانی، نه‌رینا خوه‌ ل سه‌ر چه‌ندین پرسێن ناڤخۆ، ئیراق و هه‌رێمێ بده‌نه‌ دیاركرن.
د ئێكه‌م په‌نه‌لێ دیدارێ دا، بێرنارد كۆشنه‌ر وه‌زیرێ ده‌رڤه‌ یێ فره‌نسا یێ به‌رێ و قوباد تاله‌بانی جێگرێ سه‌رۆك وه‌زیرێن هه‌رێما كوردستانێ، ره‌وشا ده‌ڤه‌رێ و ئاشتییا رۆژهلاتا ناڤین و گوهۆرینێن هه‌رێمێ باس كرن.
هه‌ر د به‌رنامه‌یا دیدارا ئاشتی و ئاساییشا رۆژهه‌لاتا ناڤین دا، نێچیرڤان بارزانی سه‌رۆكێ هه‌رێما كوردستانێ و مه‌سروور بارزانی سه‌رۆكێ وه‌زیران دێ گۆتارێن خوه‌ یێن تایبه‌ت هه‌بن.
د چارچووڤێ دیدارێ دا، چه‌ندین كه‌ساتی و بسپۆر و شاره‌زایێن سیاسی و ئاساییشا رۆژهلاتا ناڤی و ئه‌ورۆپا و ئه‌مریكا پشكدارن و دێ د دو رۆژێن بهێن دا د په‌نه‌لێن جودا دا نه‌رینێن خوه‌ به‌رچاڤ كه‌ن.

بابه‌تێن ب ڤێ مژارێ ڤه‌ گرێدای