دهۆكێ هه‌ڤبه‌ستا سێ پیشه‌كاران ئیمزاكر

دهۆكێ هه‌ڤبه‌ستا سێ پیشه‌كاران ئیمزاكر

وار – دهوك :

د داخویانیه‌كێدا په‌یڤدارێ فه‌رمی و به‌رپرسێ راگه‌هاندنا یانه‌یا دهۆك بۆ رۆژنامه‌یا وار دیاركر كو كارگێرییا یانه‌یێ هه‌ڤبه‌ستا سێ پیشه‌كاران ئیمزاكر ژبۆ پشكداریێ دگه‌ل تیما وان یا ته‌پاپێی ئه‌وا به‌رهه‌ڤییا دكه‌ت بۆ وه‌رزێ نوو یێ خولا ئیراقێ بۆ یانه‌یێن پلا نایاب

زێده‌تر محه‌مه‌د عه‌لی گۆت، ل پێنچ شه‌مبییا بۆری كارگێرییا یانه‌یێ بفه‌رمی هه‌ڤبه‌ستا یاریكه‌ران یێ كرواتیایێ لیك چیتره‌ ل هێلا به‌رگریێ دكه‌ت. دیسان یێ نێجیریایێ وه‌حید ئۆزێنی ل هێلا ناڤین یاریێ دكه‌ت و هه‌روه‌سان یێ مه‌غربی عه‌دنان موسته‌تیف ئه‌وژی ل هێلا ناڤین یاریێ دكه‌ت و گۆت، هه‌ڤبه‌ستا هه‌رسێ یاریكه‌ران هاته‌ ئیمزاكرن پشتی كادرێ راهێنانێ بۆ ماوه‌یێ زێده‌تر سێ رۆژان هێلاینه‌ ل ژێر تاقیكرنێ ژببۆ زانینا ئاست و شیاێن وان یێن هونه‌ری و ته‌كتیكی و له‌ش سڤكی پشتی رازیبوویێن كارگێرییا یانه‌یێ دانۆستاندن دگه‌ل كرن هه‌تا گه‌هشتینه‌ رێككه‌ڤتنێ بۆ ماوه‌یێ ئێك وه‌رز هه‌ڤبه‌ستا هه‌ر سێ یاریكه‌ران هاتیه‌ ئیمزاكرن دگه‌ل تیما مه‌ یا ته‌پاپێی د خولا ئیراقێ دا.

ژلایه‌كێ دویڤه‌ ناڤبری لدۆر هنده‌ك پێزانێن وان گۆت. یێ كرواتی لیك جیتره‌ ل هێلا به‌رگریێ یاریێ دكه‌ت و ژیێ وی 31 ساله‌ و به‌ری نوكه‌ بۆ یانه‌یێن ستێل ئازین و شاهین بوشه‌هر یێن ئیرانی یاری كرییه‌
یێ نیجیری وه‌حید ئۆزێنی ل هێلا ناڤین(ارتكاز) یاریێ دكه‌ت و ژیێ وی 27 ساله‌ و به‌ری نوكه‌ یاریكه‌رێ یانه‌یا نه‌جران یا سعودی بوو.

دیسان هه‌ڤبه‌ست دگه‌ل یاریكه‌رێ مه‌غربی عه‌دنان مسته‌تيف30 ساله یاریكه‌رێ هێلا ناڤینه‌‌ یاری بۆ یانه‌یێن جه‌یش مه‌له‌كی، قونه‌یتره‌ و ره‌جا به‌نی مه‌لال یێن مه‌غربی كریه‌ و و ل2003 هه‌تا 2005 یاریكه‌رێ لاوێن هه‌لبژارتیێ مه‌غرب بوویه‌.

بابه‌تێن ب ڤێ مژارێ ڤه‌ گرێدای