دهۆكییه‌ك بوو یێ ئێكێ ل ئه‌لمانیایێ

دهۆكییه‌ك بوو یێ ئێكێ ل ئه‌لمانیایێ

وار – دهۆک :

كورێ باژێرێ دهۆكێ و یاریكه‌رێ یانه‌یا (CRCA-LOPAZ Duisburg) یا ئه‌لمانی بۆ یاریین چه‌نگی یا كیك بۆكسینگێ عه‌لی ئیبراهیم ئاری شیا ببیته‌ یێ ئێكی لسه‌ر ئاستێ وه‌لاتی ئه‌لمانیایێ، پشتی لرێزا ئێكێ هاتی و خه‌لاتێ میدالییا زێری بده‌ستخۆڤه‌ئینایی، دقاره‌مانییا ئه‌لمانیایێ دا بۆ یاریكه‌رێن پشكۆژ ئه‌وا بپشكدارییا(250) یاریكه‌ران ل باژیرێ به‌رلین هاتییه‌كرن.
لدۆر ڤێ یه‌كێ د په‌یوه‌ندیه‌كا تله‌فۆنی دا ئیبراهیم ئاری بابێ قاره‌مانێ كورد یێ ل ئه‌لمانیایێ بۆ رۆژنامه‌یا وار گۆت، ل 21ێ هه‌یڤا بۆری و د قاره‌مانییا كیك بۆكسینگێ یا ڤه‌كری بۆ هه‌موو یاریكه‌رێن یانه‌یێن ئه‌لمانیایێ لسه‌ر ئاستێ پشكۆژان، یاریكه‌رێ باژێرێ دهۆكێ ب ناڤێ یانه‌یا (CRCA-LOPAZ Duisburg) یا ئه‌لمانی پشكداربوو و شیا لسه‌ر كێشا(42)كگم پێنچ سه‌ركه‌ڤتان دقۆناغێن چۆدا یێن ڤاڤارتنان و دوماهیێ دا ببیته‌ یاریكه‌رێ ئێكێ ل ئه‌لمانیایێ و میدالییا زێری بده‌ستخۆڤه‌بینت، هه‌روه‌سان ناڤبری گۆت، پشتی بوویه‌ یێ ئێكێ ل سه‌ر ئاستێ خۆ بشێوه‌یه‌كی ئێكسه‌ر بۆ هه‌لبژارتیێ ئه‌لمانیایێ هاتیه‌ ژێگرتن.
ژلایه‌كێ دیڤه‌ بابێ عه‌لی گۆت، خوشكا وی سۆزان ئیبراهیم عه‌لی بۆ یارییا كاراتێ دێ ل 28 هه‌یڤا ته‌پاخا بهێت بناڤێ هه‌لبژارتیێ ئه‌لمانیایێ لسه‌ر ئاستێ پشكۆژان دێ پشكداریی د قاره‌ما ئۆرۆپا دا كه‌ت ئه‌وا دێ هه‌ڤڕكیێن وێ ل وه‌لاتی ئسپانیایێ هێنه‌كرن.

بابه‌تێن ب ڤێ مژارێ ڤه‌ گرێدای