دبلۆماسیه‌ت چه‌كى و هێزێ ژناڤ دبه‌ت

شێرزاد نورى

رێفراندۆم ئه‌و بریارا وێره‌كا گه‌له‌ك كوردبوو یا وه‌لاتێن ده‌ردورهه‌موو تووشى شك و نه‌خوه‌شیان كرین، لێ یا تووشى نه‌خوه‌شیا په‌نجه‌شێرێ بووى ئیراق بوو، سه‌رێن رێیا لبه‌ر وان به‌رزه‌بوون كێلبێن وان ده‌ركه‌فتن و چاڤ ل رژێما ژناڤچووى كر كا جاوا ده‌ڤه‌رێن كوردان داگیر وێراندكرن وانژى هه‌مان سیناریوو گێرا، لێ وان نه‌دزانی هه‌موو ل هه‌مبه‌ر دبلۆماسیه‌تا نێچیرڤان بارزانى دێ شكه‌ستنێ ئینن.

پشتى كو باله‌كێ ئێكه‌تیێ ب سه‌رخوه‌شى بریارا خیانه‌تێ و فرۆتنا كه‌ركووكێ به‌را‌مبه‌رى چه‌ند دۆلارێن نه‌دیتى داین، ئێدى ل شكه‌ر كێشى لدژى هه‌رێما كوردستانێ ده‌ستپێكر و كه‌ركووك هاته‌ فرۆشتن، ل به‌غدا و ته‌هرانێ وسا هزرهاته‌كرن، ‌پشتى كو بساناهى كه‌ركووك هاتیه‌ فرشتن ئه‌ودێ شێن هه‌رێما كوردستانێ هه‌موویێ ئێخنه‌ لبن كونترلا خوه‌، لێ ل پردێ و سحێلا هه‌ڤكێشه‌یا وان یا سیاسى و سه‌ربازى هاته‌ گوهرین دربێن وێ حه‌شدا شه‌عبى یا به‌ره‌لا خوارین سه‌ركرده‌یێن وان ل به‌غدا و ته‌هرانێ خستنه‌ د سها مرنێ دا، وان زانى خوه‌ چه‌رباندن ب له‌شكه‌ر كێشیێ و هێرشێن سه‌ربازى ل سه‌ركوردان بێ ئه‌نجامن، عه‌بادى وسا هزركر بدانانا دوورپێچا ل سه‌ر فرۆكخانه‌یێن هه‌رێمێ رێگرتن ل چوونا شاند و كۆمپانیان و نه‌هاتنا‌ ده‌رمان و خوارن و گه‌له‌ك پێدڤیێن دێ په‌یوندیێن هه‌رێمێ یێن دبلۆماسى و سیاسى و ئابۆرى بێكئجارى قود كه‌ت و هه‌رێم دێ بیته‌ ناڤه‌ندا خوه‌شێن وى، لێ شكه‌ستنا فێجارێ گه‌له‌ك مه‌زنتر بۆ هه‌موو هیڤیێن سه‌ركرده‌یێن خوه‌دان بریار ل دژى هه‌رێمێ به‌ر ب ئاڤێ دا چوون، ژبه‌ركو سه‌رۆكێ فره‌نسا ئیمانوێل ماكرون ب فه‌رمى نێچیرڤان بارزانى سه‌رۆكوه‌زیرێ هه‌رێمێ داخوازكره‌ كۆچكا ئیلیزێ و ب ئالایێ كوردستانێ و په‌یڤا بخێرهاتن بزمانێ كوردى پێشوازى لێ كر، سۆزا چاره‌ركرنا كێشه‌یێن هه‌ولێر و به‌غدایێ دا كو مافێن كوردان لدووڤ ده‌ستوورى جێبه‌جێبكه‌ن، ئێدى هه‌موو ده‌رگه‌هێن دبلۆماسى، سیاسى و ئابۆرى ل هه‌مبه‌ر جیهانێ هاتنه‌ ڤه‌كرن، سه‌ركوه‌زیر بارزانى ب سیاسه‌تا خوه‌ یا حه‌كیمانه‌ و دبلۆماسى وێره‌ك و بێ ترس، سه‌ركرده‌یێن ئیران و ئیراقێ ئینانه‌‌ سه‌رخه‌ت و ب چاڤێن شور لدووڤ دبلۆماسیه‌تا نێچیرڤان بارزانى كه‌فتن، بهزركرنا رژد و به‌رژوه‌ندیێن گه‌لێ كورد هه‌موو پێنگاڤ هاتنه‌ هاڤێتن دا گه‌هشتیه‌ وى راده‌ى ل به‌غدا لژنه‌ هاتنه‌ هنارتن و هه‌موو دوورپێچێن ل سه‌ر هه‌رێما كوردستانێ هاتنه‌ راكرن، په‌یوه‌ندیێن ئابوورى و سیاسى دگه‌ل وه‌لاتێن جیهانێ ژبه‌رى نها گه‌له‌ك بهێزتربوون و ب سه‌دان كۆمپانیێن بیانى قه‌ستا هه‌رێمێ كرن و پرۆژه‌یێن وزه‌یێ و خزمه‌تگۆزاریان ئێخستینه‌ دوارێ جێبه‌جێكرنێ دا، به‌غدا نه‌چاربوو كو گۆژمه‌یه‌كێ پاره‌ى ژبوو مووچه‌یێن فه‌رمانبه‌رێن هه‌رێمێ مه‌هانه‌  ره‌وانه‌بكه‌ت، ده‌ریێن سنۆرى ژى وه‌كو پێشتر ب سه‌رپه‌رشتیا هه‌رێمێ دهێنه‌ برێڤه‌برن، هه‌موو جاران دبلۆماسیه‌تا سه‌ركه‌فتى، چه‌كى و هێزێ ژناڤ دبه‌ت و كه‌سێن بكریار ئه‌ڤ چه‌نده‌كرین ئێدى ژ هه‌ر تشته‌كى دهێنه‌ دووركرن، عه‌بادیێ سه‌رۆكوه‌زیر كو كه‌سێ ئێكبوو ب هه‌موو ره‌نگان دژاتیا هه‌رێما كوردستانێ و سیاسه‌ت و دبلۆماسیه‌تا نێچیرڤان بارزانى كر، ژبه‌ر دژاتیكرنا عه‌بادى و سیاسه‌تا ویا خه‌له‌ت بۆ ئه‌گه‌ر ژ هه‌موو پۆسته‌كێ حكومى بهێته‌ دووركرن و پله‌یا مرنێ دحكومه‌تێ دا وه‌رگرت، دنهادا هه‌رێم ژ جاران بهێزتر ل مه‌یدانێ یه‌ و ئێدى به‌غدا پێدڤى ب هه‌ولێرێ هه‌یه‌ ژبه‌ر ڤێ چه‌ندێ هه‌موو سه‌ركرده‌یێن ئیراقێ سه‌ره‌دانا هه‌رێما كوردستانێ كرن و داخوازا پشته‌ڤانیێ بۆ پێكئینانا حكومه‌تا نوو ژ هه‌ولێرێ كر، هه‌موو ده‌م و زه‌مانان بتنێ كوردان ئاشتى خواستیه‌ و به‌ره‌ڤانى ژخوه‌كرییه‌ چ جاران هێرشى كه‌سه‌كێ نه‌كرییه‌ و مالا كه‌سه‌كێ خراب نه‌كرییه‌، ژبه‌رڤان هه‌موو ئه‌گه‌ران هه‌رده‌م چاڤێ جیهانێ ل سه‌ر كوردستانێ بوویه‌، بزاڤێن چه‌ندین سالان یێن نێچیرڤان بارزانى به‌رهه‌مداربوون، له‌ورا به‌رهه‌مێ وان ژى بوو ئه‌گه‌ر هیڤیێن تاك كورد دووباره‌ هاتنه‌ ڤه‌گه‌راندن هه‌موو تشته‌ك بۆ خوه‌شیا ژیانا وه‌لاتیێن كورد هاته‌ پێش.

 

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.