داعش د نووترین گوڤارا خوه‌دا باس ل بازرگانیا كچێن ئێزدى دكه‌ت

داعش د نووترین گوڤارا خوه‌دا باس ل بازرگانیا كچێن ئێزدى دكه‌ت

Capture

وار- دهۆك :

بۆ جارا ئێكێ رێكخراوا داعش تاوانێن د ده‌رهه‌قێ ژن و كچێن ئێزدى دا كرین وه‌كو بارزگانى به‌لاڤكر.

گرۆپێن تیرۆرستێن داعش گوڤاره‌ك به‌لاڤكر، بناڤێ دابق و تێدا دیاركریه‌ كو بازرگانى ب كچێن ئێزدى هاتییه‌كرن وه‌كو شانازییه‌ك په‌سنا وان دهێته‌كرن.

لدووڤ زانیاریان رێكخراوا تیرۆرستى بناڤێ داعش رۆژا ئێكشه‌مبێ ئێكه‌م گوڤارا خوه‌ یا تایبه‌ت ب هه‌ردو زمانێن ئه‌ره‌بى و ئینگلیزى به‌لاڤكر، كو شانازیه‌كا مه‌زن بۆ وان كچ و ژنێن ئێزدیان یێن ره‌ڤاندی دبه‌ن و وه‌كو ده‌ستكه‌فته‌ك بۆ چه‌كداران دیاركر.

دیسا ئاماژه‌كرییه‌، پشتى كو شنگال كۆنترۆلكرى ژن و كچێن ئێزدیان یێن هاتینه‌ گرتن لدووڤ شه‌ریعه‌تا رێكخراوا تیرۆرستێن داعش ل سه‌ر وان تیرۆرستان به‌لاڤكرینه‌ یێن پشكدارى د هێرشا شنگالێ دا كرى.

دهێته‌ زانین كو ده‌سته‌یا مافێن مرۆڤى ل هه‌رێما كورستانێ دیاركربوو، لدووڤ نووترین ئاماران نێزیكى 2000 كچ و ژنێن ئێدى و كرستیانان ژ ئالیێ تیرۆرستێن داعش ڤه‌ هاتینه‌ ره‌ڤاند و بازرگانى پێ دهێته‌كرن.

بابه‌تێن ب ڤێ مژارێ ڤه‌ گرێدای