داعشێ 105 كه‌س كوشتن

داعشێ 105 كه‌س كوشتن

WAAR-دهۆك:

رێكخستنا تیرۆرستییا داعشێ ل رۆژهه‌لاتێ فوراتێ 105 كه‌س كوشتن و 130 خێزان ژى ره‌ڤاندن.
نێرینگه‌ها سوورى یا مافێن مرۆڤى راگه‌هاند؛ داعشێ ل رۆژهه‌لاتێ فوراتى 105 ئێخسیر د هه‌یاما 72 ساتێن بۆرى دا كوشتینه ‌و 130 خێزان ژى كو پترییا وان زارۆ و ژنن ره‌ڤاندینه‌، هنده‌ك ژ وان ژى خێزانێن تیرۆرستێن داعشێ نه‌ و هه‌ڤژینێن وان مرینه و ‌ره‌گه‌زنامه‌یێن هنده‌كان ژى بیانى.
داعشێ بتنێ بۆ ده‌ما چه‌ند ساتان كه‌مپا به‌حره‌ كۆنترۆلكر و پاشى هێزێن سووریا دیموكرات هه‌سه‌دێ و ب شه‌ڕه‌كێ دژوار ژ ده‌ستان ده‌رخست، هه‌ر ب پشته‌ڤانییا هه‌ڤپه‌یمانییا نێڤده‌وله‌تى ژى ل به‌ره‌یێن باغۆز، سووسه‌، هجین و چه‌ندین به‌ره‌یێن دى ل رۆژهه‌لاتا دێرازۆرێ شه‌ڕ به‌رده‌وامه‌.

بابه‌تێن ب ڤێ مژارێ ڤه‌ گرێدای