دادگه‌ها ئیراقێ بریارا سێداره‌دانا 24 سووچباران تاوانا سپایكه‌رێ دا

دادگه‌ها ئیراقێ بریارا سێداره‌دانا 24 سووچباران تاوانا سپایكه‌رێ دا

وار – دهۆک :

په‌یڤدارێ ده‌ستهه‌لاتا دادوه‌ری ل ئیراقێ، راگه‌هاند؛ دادگه‌هێ پشتراست كرییه‌کو ئه‌و سووچبارێن هاتینه‌ گرتن پشكداری د تاوانا سپایكه‌رێ دا كرییه‌.
دادوه‌ر عه‌بدولستار به‌یره‌قدار، په‌یڤدارێ ده‌ستهه‌لاتا دادوه‌ری ل ئیراقێ د راگه‌هاندنه‌كێ دا دیار كر: دادگه‌هێ گۆهدارییا ئاخافتنێن نوونه‌رێ یاسایی یێ ئه‌میندارییا جڤاتا وه‌زیران و نوونه‌رێ وه‌زاره‌تا به‌رگرییێ و چه‌ندین شاهدحال و كه‌سوكارێن كوشتارگه‌ها سپایكه‌رێ كرییه‌و تێدا دیار بوویه‌ژ ته‌ڤ وان كه‌سێن هاتینه‌گرتن بیست و چوار كه‌سان، ده‌ست د كوشتارگه‌هێ دا هه‌بوو.
گۆت ژی؛ چوار كه‌س د ناڤا گرتییان دا بێ سووچ ده‌رکه‌فتن ‌و فه‌رمانا گرتنا شه‌شسه‌د و چوار كه‌سێن دی ژی ژ ئالییێ دادگه‌هێ ڤه‌ده‌ركه‌فتییه‌.
كوشتارگه‌ها سپایكه‌رێ، پشتی داگیركرنا باژارێ تكریتێ ژ ئالییێ رێكخستنا تیرۆرستی یا داعشێ، ل ناڤه‌راستا مه‌ها خزیرانا سالا بۆری هاتبوو کرن و نێزیكێ هزار و حه‌فتسه‌د خوه‌به‌خشێن شیعه‌ژ ئالییێ تیرۆرستێن داعشێ ڤه‌تیدا هاتبوونه‌كوشتن.

بابه‌تێن ب ڤێ مژارێ ڤه‌ گرێدای