داخوازیێن ئێزدیان ژ پەرلەمان و حکومەتا هەرێما کوردستانێ یا داهاتی

لەیت حسێن گرعزێری

پێکهاتەیا ئێزدیان وەکو پێکهاتەیەکا هەرە رەسەن ل کوردستانێ کو هژمارەکا باش ل دەڤەرێن پارێزگەها دهۆکێ دژین، لێ هەتا نها کورسیێن کوتا بۆ وان نەهاتینە دەستنیشنانکرن، ئەڤە ژی پشتی وێ یەکێ یە کو بەری هەلبژارتنێن پەرلەمانێ کوردستانێ شاندەکی بەرفرەهـ ژ ئێزدیان کو پێکهاتبوو ژ چەند ئەندامێن جڤاتا رۆحانیا ئێزدیان و چەندین کەسایەتی و رەوشەنبیرێن ئێزدی کو سەرەدانا ئالیێن سیاسی و پەرلەمانێ کوردستانێ کرن، ژبۆی وێ یەکێ کوتا بۆ ئێزدیان ژی بهێتە دەستنیشانکرن وەکو هەر پێکهاتەیەکا دن ل کوردستانێ کو وان ژی مافێ هندێ هەیە وەکو هەموو پێکهاتەیێن دن، لێ زۆر بەداخەوە و ب مخابنی ڤە ب ئەگەرا چەند ئالیێن سیاسی و نەرازیبوونا وان لسەر ڤی پرۆژەی ئەڤ چەندە هاتە رەت کرن و دیسان و جارەکا دن ئێزدی ژ کوتایا پەرلەمانێ کوردستانێ بێ بەهر و بێ هیڤی بوون. بەلێ پشتی ڤێ یەکێ و وەکو هەر جار دیسان پارتی دیموکراتی کوردستان وەک وەفاداری ل ناڤ لیستا خوە دا کچا ئێزدی بناڤێ هەدیە موراد حەیدەر بەربژێر کر و پشتی ب داوی ئینانا پرۆسەیا هەلبژارتنان و دیارکرنا ٨٥٪ یا ئەنجامێن هەلبژارتنان ژبال کۆمسیۆنێ ڤە خۆشبەختانە کو ئەوێ ب پرانیا دەنگان سەرکەفتن ئینا و دەرچوونا خوە بۆ پەرلەمانی مسۆگەر کر. پشتی ئەڤێ چەندێ و ب داوی ئینانا هەلبژارتنان هەلبەت ژی کابینەیا نوو یا حکومەتێ دێ هێتە دانان لەورا ژی ئێزدیان لدووڤ پێدڤی و مافێ خوە لسەر پەرلەمان و حکومەتا هەرێما کوردستانێ یا داهاتی ب پێدڤی دبینیت کو پشتی زولملێکرنا ئێزدیان ل شنگالێ و چەند دەڤەرێن دن یێن ل دەشتا نەینەوا و ئەنجامدانا مەزنترین کۆمکوژی ل دەرهەقا ئێزدیان دا دڤێت کو پەرلەمان کار بۆ وێ یەکێ بکەت کو ئەو کۆمکوژی ب جینۆساید لسەر ئاستێ ناڤخۆ و ژ دەرڤە بهێتە ناساندن، هەروەسا ژی پتر کارکرن و هەولدان و فشار ئێخستن لسەر حکومەت و پەرلەمانێ عیراقێ کو ماددە 140 یا دەستوورێ عیراقێ بهێتە بجهئینان ژبۆ وێ یەکێ کو شنگال و هەموو دەڤەرێن دن یێن ڤەقەتیای ڤەگەرن باوەشا کوردستانێ و دیسان ژی پرۆژێن خزمەتگۆازری ل دەڤەرێن ئێزدیان بهێنە دانان و یێن هەرە گرنگ ژی دام و دەزگەهێن حکومی و زانکۆ و نەخۆشخانەیێن ژهەژی و قوتابخانە ژبۆی وێ یەکێ کو پتر ئاستێ خواندنێ ل دەڤەرێن وان دا پێش بکەڤیت هەروەسا ب شێوەیەکی گشتی ژی پێدڤیێن دەڤەرێن وان و نەبوونا خزمەتگوزاریێن دن یێن پێدڤی وەک ئاڤ و کارەبێ ل دەڤەرێ بهێنە دابینکرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.