خەما پاشەرۆژێ

دلۆڤان ئەمجەد بارزانی

ژیان ل ڤی وەلاتی ئەم تێدا دژین رۆژ بۆ رۆژێ یا نەخوش دبیت و گەلەکا ب زحمەتە، نزانم کا بەخت و چارەنڤیسا مەیا وەسایە و ژ دەف خودایێ مەزن ئەڤ نەخوشیە بۆ مە ھاتینە یان ھندەك کەسان ژ یان ل کوردستانا من بەرەڤ ژناڤچوونێ ڤە برییە. راستی مخابن ئەڤ مللەتێ ھندێ دلسوز و باش و ب کەرامەت وەسا بھێتە رەزیل کرن و مافێن وان بھێنە پێشێل کرن، ھەتا وی رادەی کو رێکێن وەسا سەخت و دژوار دگرنە بەر و دزانن ژ ٩٠% دەربازبوونا وان نینە و ھەر بەرەف وێ رێکێ دچن بۆچی؟ پێخەمەت چی…؟ پێخەمەت ھندێ دا بگەھنە وێ ژیانێ ئەوا ھەژی وان وبگەھنە وی وەلاتی ئەوێ مافێ وان ب دروستایی بدەتێ چونکی مرن و ژین دڤێ رەوشا نھا ئەم تێدا وەکی ئێکن و چ جوداھی نینە. رۆژانە ئەم ب ساخی یێ دمرین و دبینین و روودانا ڤان کاودان ئەڤێن ئەم ب چاڤێن خوە دبینین. کا چاوا بێ رێزی و پێشێلکرنا مافان بەرامبەرمە دھێنە کرن، ب تایبەتی خوەندەڤانان چ بھا نینە ل وەلاتێ من. چ گرنگیەك ب بروانامێ ناھێتەدان، ب رەنگەکێ گشتی دامەزراندن نەمایە. بلا نەھێینە دامەزراندن بەلێ کار ل کەرتێ تایبەت ژی نینە و بۆ گەنجان ناھێتە رەخساندن دڤێت رێگا چارەیەك ھەبیت دا خەلکێ مە بشیت کار بکەت چونکێ دناڤ مەدا ل ھەرێمێ مە گەلەك گەنج و کەسێن زیرەك و دانا یێت ھەین زۆر پێگەھشتی خودان ھزر و بیرێن باشن تشتێ نوی و ب مفایێ ل دەڤ وان ھەی، بەلێ مخابن چاوا بکار بینن ب چ رێك بێ پشتەڤانی ب راستی ئەڤە کارەساتە .. _ ئەرێ چاوا بژین ….؟ _ب چ بژین ..؟ ھەمی تەمەنێ مە چوو ھەتا بووینە خودان بروانامە لێ بەلێ مخابن بروانامێ ژی چ بھایێ خونینە، ب کورتی و درستی مەچ (مستقبل ) پاشەرۆژ ل ڤی وەلاتی نینە.. ئەگەر مرۆڤ ژی یێ بێ پاشەرۆژ بیت مرن ژێرا دەرمانە، ب راستی گەلەکا نەخۆشە مرۆڤ یێ بێ کار بیت و چ ژ ژیان و پاشەرۆژا خوە نەزانیت. ھیڤیدارم حکومەتا ھەرێما کوردستانێ کار بکەت و ھندەك پرۆژەیان دابنێت دا رێژا بێکاریێ کێم ببیت و گەنجێن مەژی ببنە خودان کار.

بابه‌تێن ب ڤێ مژارێ ڤه‌ گرێدای