خەلکێ قامشلۆ زریپۆشێن تورکیا و رۆسیا بەربارانکرن

خەلکێ قامشلۆ زریپۆشێن تورکیا و رۆسیا بەربارانکرن

WAAR-دهۆك:

خەلکێ قامشلۆ ئەڤرۆ دەما سوپایێ تورکیا و پۆلیسێن سەربازی یێن رۆسی سێیەم گەرا چاڤدێریێ ل دەڤەرێ دکر، زریپۆشێن وان بەرباران کرن وەکە نەرازیبوون ل ھەمبەر داگیرکارییا وان.
ل گۆری ژێدەرێن نووچەیان یێن رۆژئاڤایێ کوردستانێ، ئەڤرۆ خەلکێ گوندێ دەرنا ئاغا ل دەڤەرا کرکی یا سەر ب قامشلۆڤە گەرا چاڤدێریێ یا سوپایێ تورکیا و پۆلیسێن سەربازی یێن رۆسی بەربارنکرن و ھندەک ژ وان پێلاڤێن خوە ژی تێوەردکرن.
ژێدەری دیار کر ؛ خەلکی وی گوندی وەکە نەرازیبوون ل ھەمبەر ھەبوون و داگیرکارییا وان ل دەڤەرێ ھێرشی کاروانێ تورکی و رۆسی کر.
ژ ئالییێ خوە ڤە مستەفا بالی رێڤەبەرێ ئۆفیسا مەدیایی یا ھەسەدێ د تویتەکێ دا راگەھاند: کو سوپایێ تورکیا ل وی گوندی بۆمبەیێن غازا روندک رێژ ھاڤێتن سڤیلان ب وی ئەگەری دەھـ سڤیل برینداربوون و نڤێسییە ژی کو ئاگاھی گەشتییە وان کو زریپۆشێن سوپایێ تورکیا ل ھەمەبر چاڤێن پۆلیسێن سەربازی یێن رۆسی دایە سەر وان سڤیلان ژی.

بابه‌تێن ب ڤێ مژارێ ڤه‌ گرێدای