خیانه‌ت و پێنج راستیێن سه‌یر!

خیانه‌ت و  پێنج راستیێن سه‌یر!

وار – دهۆک :

خیانه‌تا هه‌ڤژینیێ جۆراوجۆر و دو ئالییانه‌یه‌ و ژ بال ژن و زه‌لامان ژى ڤه‌ دهێته‌ بجهـ ئینان، لێ ئه‌ڤێن ل خوارێ هاتینه‌ دیاركرن چه‌ند راستییه‌كێن حێبه‌تینه‌ سه‌باره‌ت ب خیانه‌تێ ڤه‌ ب تایبه‌ت د ده‌مى دا كو ژ بال زه‌لامى ڤه‌ دهێته‌ بجهـ ئینان:
1ــ زه‌لامان هه‌ر چه‌نده‌ ژنێن خوه‌ خوه‌ش دڤێت، لێ خیانه‌تێ لێ دكه‌ن:
گه‌له‌ك ژ ڤه‌كۆلینێن هاتینه‌ ئه‌نجامدان، ئه‌و ئێكه‌ سه‌لماندییه‌ كو زه‌لام ژبه‌ر وێ ئێكێ كو ژ دۆخێ ژیانا خوه‌ رازى نینن خیانه‌تێ دكه‌ن، هه‌كه‌ر نه‌ وان ژنێن خوه‌ خوه‌ش دڤێن.
2ــ زه‌لام بۆ پاراستنا خێزانێن خوه‌ خیانه‌تێ دكه‌ن:
پشكه‌ك ژ ڤه‌كۆلینان ئه‌و ئێكه‌ سه‌لماندییه‌ كو زه‌لام ده‌ما كو خیانه‌تێ دكه‌ن، بۆ وێ ئێكێیه‌ كو وێ ڤالاهییا د ژیانا وان دا هه‌ى پڕبكه‌ن بێى كو مال و خێزانا خوه‌ یا راسته‌قینه‌ ژده‌ستبده‌ن.
3ــ زه‌لامان پشتى خیانه‌تێ كه‌رب ژ خوه‌ ڤه‌دبن:
ڤه‌كۆلینێن ده‌روونناسى باس ژ وێ ئێكێ دكه‌ن كو رێژه‌یا هه‌ره‌ زێده‌یا زه‌لامان پشتى وێ ئێكێ كو خیانه‌تێ دكه‌ن، ئازارا ویژدانێ هه‌یه‌ و كه‌رب ژ خوه‌ ڤه‌دبن.
4ــ خیانه‌تا ژنان خه‌ته‌رتره‌:
ژن ب هه‌مان ئاوایێ زه‌لامان خیانه‌تێ دكه‌ن، لێ خیانه‌تا ژنان ب خه‌ته‌رتره‌، لگۆره‌ى وێ ئێكێ كو ئه‌و ده‌مه‌كى خیانه‌تێ دكه‌ن كو هیچ هه‌ست و سۆز بۆ هه‌ڤژینێن خوه‌ نه‌مابن كو ئه‌ڤه‌ ژى نیشانه‌كه‌ بۆ نه‌مانا په‌یوه‌ندییا د ناڤبه‌را وان دا.
5ــ سه‌ده‌مێ خیانه‌تێ ژبه‌ر ژنان نینه‌:
پشكه‌كا زێده‌ ژ زه‌لامان ده‌ما كو خیانه‌تێ دكه‌ن، سه‌ده‌ما وێ ئێكێ دئێخنه‌ د ستوویێ ژنێن خوه‌، لگۆره‌ى وێ ئێكێ كو ئه‌و پشتگوهـ ئێخستینه‌، د ده‌مه‌كى دا زه‌لام ده‌ما خیانه‌تێ دكه‌ن، گه‌له‌ك هۆشیارى خوه‌نه‌ و هه‌موو ئالى لێكداینه‌ڤه‌.
ئه‌ڤێن هه‌نێ هنده‌ك راستیێن خیانه‌تا هه‌ڤژینیێ بوون كو ب راستیێن حێبه‌تى هاتینه‌ نیاسین، ژبه‌ركو هه‌تا نوكه‌ پترییا هه‌ڤژینان چو ژ راستییا خیانه‌تێ نزانن و هاى ژ وێ ئێكێ نینه‌ كه‌نگى خیانه‌ت دهێته‌كرن، خیانه‌ت چو ب سه‌رێ خێزانێ دئینیت، ئه‌رێ ما ب خیانه‌تێ دێ خێزان وێران بیت یان نه‌. ئه‌ڤجا ژبه‌ر ڤێ ئێكێ پێدڤییه‌ هه‌ڤژین چو ژن یان زه‌لام باش هزرێن خوه‌ بده‌نه‌ كارى، كا دێ چاوا شێن رێیێ ل ئه‌نجامدانا خیانه‌تێ گرن، یان ژى هه‌كه‌ر ئێك ژ وان خیانه‌ت كر، ل وى ده‌مى چو لسه‌ر وان فه‌ره‌ كو به‌رژه‌وه‌ندییا خێزانا خوه‌ بكه‌ن.

بابه‌تێن ب ڤێ مژارێ ڤه‌ گرێدای