خوەنیشاندانێن لبنانێ بەردەوامن

خوەنیشاندانێن لبنانێ بەردەوامن

WAAR-دهۆك:

خوەنیشاندانێن خەلکێ لبنانێ ئەڤرۆ بۆ رۆژا دوێ ژی بەردەوامن و خەلک داخوازا ھەلوەشاندنا حکومەتێ دکەن.
ب ھزاران خەلکێ لبنانێ ل بەیرۆت و چەندین باژارێن دی ئەڤرح پشتی نیڤرۆ رژیانە سەر جادەیان و بەردەوامی دا خوەنیشاندانێن خوە یێن دژی بریارا حکومەتێ یا زێدەکرنا باجێ.
خەلکێ ئەڤرۆ دروشمێن جودا بلند کرن و داخواز ژ سەعەد حەریری، سەرۆکێ وەزیران و کابینا وی یا حکومەتێ کر، دەستان ژکار بکێشن
حکومەتا لبنانێ بریار دایە ژ بەر قەیرانا ئابۆری یا ئەو وەلات تێدا دەرباز د بیت، باجێ ل سەر پەیوەندیێن بێ بەرامبەر یێن ئێنتەرنێتێ یێن مینا واتسئاپی و فەیسبۆکی، ھەروەھا دانانا باجێ ل سەر تووتن و پانزینێ زێدە بکەن، ڤێ یەکێ خەلکێ لبنانێ تورە کر و ب ھزاران خەلکێ شڤێدی ل بەیرۆتێ و چەندین باژارێن دی دژی وێ بریارێ دەرکەفتنە سەر.

بابه‌تێن ب ڤێ مژارێ ڤه‌ گرێدای