خوەنیشاندانێن رۆژھەلاتێ کوردستانێ بەردەوامن

خوەنیشاندانێن رۆژھەلاتێ کوردستانێ بەردەوامن

WAAR-دهۆك:

خوەنیشاندانێن باژارێن رۆژھەلاتێ کوردستانێ بەردەوامن و لگۆر ئاماران ھەڤدە کەس ھاتینە کوشتن .
لگەل دەستپێکرنا خوەنیشاندانان ل پرانییا باژارێن ئیرانێ و رۆژھەلاتێ کوردستانێ، تا نھا نێزیکی سیھـ کەسان ب گولەیێن ھێزین ئەمنی ھاتینە کوشتن و چەندین کەسێن دیتر ژی برینداربووینە.
مالپەرێ ھەنگاو بۆ پرسێن مافێ مرۆڤی ل رۆژھەلاتێ کوردستانێ ئاشکەرا کر: تا نوکە پتری یازدە خوەنیشاندەر ل رۆژھەلاتێ کوردستانێ ھاتینە کوشتن و نێزیکی سەد کەسێن دی ژی برینداربووینە.
ژ ئالیێ خوە ڤە ژی عەبدولریزا رەحمانی فەزلی، وەزیری ناڤخوە یێ ئیرانێ ل سەر تێلەڤزیۆنا فەرمی گەف ل خەلکی کرن و راگەھاند؛ گەر زیان ب مولکێ گشتی ب کەڤیت، ئەو دێ ھێزێ بۆ داویئینانا خوەنیشاندانان بکارئینن.
ژ بەر بریارا حکومەتا ئیرانێ یا بلندکرنا بھایێن پانزێنی ،خەلکێ پرانییا باژار و جھێن ئیران و رۆژھەلاتێ کوردستانێ رژیاینە سەر جاددەیان و دروشمێن دژی عەلی خامنەیی رابەرێ بلند یێ ئیرانی دبێژن.

بابه‌تێن ب ڤێ مژارێ ڤه‌ گرێدای