خوه‌نیشاندانێن ئیراقێ بۆ رۆژا 24 به‌رده‌وامن

خوه‌نیشاندانێن ئیراقێ بۆ رۆژا 24 به‌رده‌وامن

WAAR-دهۆك:

خوه‌نیشاندانێن ئیراقێ ئه‌ڤرۆ بۆ رۆژا 24ێ به‌رده‌وامن و ئه‌ڤرۆ خه‌لكێ نه‌رازی ل به‌غدا و پارێزگه‌هێن باشۆر و ناڤه‌راست ل مه‌یدانێن گشتی كۆمبووینه‌.
سه‌لاح بامه‌رنی په‌یامنێرێ وار ل به‌غدا دیاركر، خوه‌نیشاندان ئه‌ڤرۆ ل به‌غدا د به‌رده‌وامن و خوه‌نیشانده‌ران شیان جاره‌كا دی مه‌یدانێن ته‌حریر و خه‌لانی كۆنترۆل بكه‌ن و هه‌روه‌ها به‌شه‌كێ پرا سنك ژی گرتینه‌، هێزێن ئێمناهیێ ژی پاشڤه‌ زڤرینه‌، هه‌ر چه‌نده‌ تا دره‌نگیێن شه‌ڤا بۆری ئالۆزی هه‌بوون و پۆلیسان ته‌قه‌ و بۆمبێن رۆندكرێژ بكارئینان.
په‌یامنێرێ وار دا زانین، هه‌ر ئه‌ڤرۆ ل به‌غدا و پارێزگه‌هێن به‌سرا و میسان و زیقار خه‌لك ده‌ركه‌تینه‌ خوه‌نیشاندانان و قوتابییان ژی ب به‌رفره‌هی پشكداری تێدا كرییه‌ و دخوازن حكومه‌ت و په‌رله‌مان بهێن هه‌لوه‌شاندن.
په‌یامنێرێ وار ئاماژه‌ كر، د 24 ساتێن بۆری دا، ژبلی برینداربوونا ده‌هان خوه‌نیشانده‌ران، هێزێن ئێمناهیێ پتری 60 كه‌سان ده‌سته‌سه‌ر كرینه‌.

بابه‌تێن ب ڤێ مژارێ ڤه‌ گرێدای