خوه‌نیشاندانێن ئیراقی د رۆژا 27ێ دا سست بووینه‌

خوه‌نیشاندانێن ئیراقی د رۆژا 27ێ دا سست بووینه‌

WAAR-دهۆك:

خوه‌نیشاندانێن ئیراقێ ئه‌ڤرۆ ده‌ربازی رۆژا 27ێ بوون، لێ ئاستا وان ل به‌غدا یا پایته‌خت سست بوویه‌، به‌ره‌ڤاژی ل به‌سرا و پاریزگه‌هێن باشۆری رێكێن سه‌ره‌كی هاتینه‌ گرتن.
ئه‌ڤرۆ 27 رۆژ ل سه‌ر ده‌ستپێكرنا پێلا خوه‌نیشاندان و نه‌رازیبوونێن ئیراقێ ده‌رباز دبن، ل به‌غدایا پایته‌خت هه‌ڤده‌می به‌لاڤه‌بوونا به‌رفره‌هـ یا هێزێن ئێمناهیێ، پێلا نه‌رازیبوونێ سستی ب خوه‌ڤه‌ دیتییه‌ و خه‌لك وه‌ك رۆژێن پێشتر ده‌رنه‌كه‌تینه‌ مه‌یدانێن خرڤه‌بوونان.
ل پارێزگه‌ها به‌سرا به‌ره‌ڤاژی پارێزگه‌هێن به‌غدا و زیقار، ئاستا خوه‌نیشاندانان دژوار بوویه‌ و خه‌لك ل چه‌ندین جهان وه‌ك گرۆپان كۆم بووینه‌ و چه‌ندین رێكێن سه‌ره‌كی هاتینه‌ دائێخستن.
ژێده‌رێن حكومه‌تا فیدرال راگه‌هاندینه‌، ل به‌سرا خوه‌نیشانده‌ران رێكێن سازیێن په‌ترۆلێ و به‌نده‌ران وه‌ك به‌نده‌را زوبیر دائێخستنه‌ و هێزێن ئێمناهیێ ژی بزاڤا ڤه‌كرنا رێكان دكه‌ن.
خوه‌نیشانده‌رێن ئیراقێ ژی ئاماده‌كارییان دكه‌ن سوبه‌ رۆژا پێنجشه‌مبی مه‌زنترین مانگرتنێ رابگه‌هینن و داخواز ژ فه‌رمانبه‌رێن ده‌وله‌تێ كرییه‌ بایكۆتا ده‌وامان بكه‌ن.

بابه‌تێن ب ڤێ مژارێ ڤه‌ گرێدای