خانەیا راپەراندنا گۆرانێ دووپاتی ل بھێزکرنا پەیوەندییان لگەل پارتی و ئێکەتی کر

خانەیا راپەراندنا گۆرانێ دووپاتی ل بھێزکرنا پەیوەندییان لگەل پارتی و ئێکەتی کر

WAAR-دهۆك:

خانەیا راپەراندنا گۆرانێ د ئێکەم کۆمبوونا پشتی ھەلبژارتنێن خوە دا، دووپاتی ل بھێزکرنا پەیوەندییان ل گەل پارتی و ئێکەتی کر و راگەھاند: بھێزکرنا پەیوەندیان دێ بیتە ئەگەرەک بۆ پێشدابرنا ئەرکێن کابینەیا نوو یا حکومەتێ.
د راگەھاندنەکێ دا خانەیا راپەراندنا گۆرانێ ئاماژە داییە کو پشتەڤانییەکا تەمام ل کابینەیا نوو یا حکومەتا ھەرێما کوردستانێ دکەن ب مەرەما جێجێکرنا بەرنامەیێ چاکسازیێ ھەروەسا دووپاتی ل بھێزکرنا پەیوەندییان لگەل پارتی و ئێکەتی کر ژ بۆ پێشدابرنا ئەرکێن کابینەیا نوو یا حکومەتێ.
لدۆر رەخنە و دلگرانیێن ناڤخوە یێن گۆرانێ، خانەیا راپەراندنێ ئاشکەرا کر: دەرگەھێ ڤەکرییە بۆ ھەمی ھەلسوراوێن رەخنە ھەین و دەرکەفتین و دانوستاندن لگەل وان ھەلسوراوێن نەرازی دێ سەرەکیترین ئەرکێ وان بیت.
خانەیا راپەراندنا گۆرانێ دا زانین ژی: لگۆرەی دەستوورێ ناڤخوە بەرھەڤی بۆ گرێدانا کۆنفرانسێ نشتیمانی و ھەلبژارتنێن ناڤخوە یێن گۆرانێ دھێنە کرن.

بابه‌تێن ب ڤێ مژارێ ڤه‌ گرێدای