خامنەیی: پێدڤیە بریارا زێدەکرنا بھایێ پانزینێ بھێتە جێبجێکرن

خامنەیی: پێدڤیە بریارا زێدەکرنا بھایێ پانزینێ بھێتە جێبجێکرن

WAAR-دهۆك:

رابەرێ بلند یێ کۆمارا ئیسلامی یا ئیرانێ ئەڤرۆ سپێدێ پشتەڤانیا خوە بۆ بریارا زێدەکرنا بھایێن پانزینی دیار کر و گۆت: نابیت تێکدەر رەوشا ئیرانێ خراب بکەن.
ئایەتوللا عەلی خامنەیی ئەڤرۆ سپێدێ ل دور خوەنیشاندانێن وەلاتێ خوە و بریارا بلندکرنا بھایێن پانزینێ گۆت: ئەو بریارە پشتی وەرگرتنا رایا چەندین شارەزایان ھاتیە دان و پێدڤیە بھێتە جێبجێکرن.
ھەروەھا گۆت: خەلک ژ وێ بریارێ دلگران بوویە، لێ رەوشا نھا یا ئیرانێ پێدڤی ب وێ گاڤێ یە.
خامنەیی ل دور خوەنیشاندانان ژی دیار کر کو دوژمنێن ئیرانێ کارێن تێکدەر دکەن و ئەو کەسێن ل سەر داخوازا ئالیێن دەرڤە وان کاران دکەن، نەگەلێ ئیرانێ نە.

بابه‌تێن ب ڤێ مژارێ ڤه‌ گرێدای