حەسەکە.. 3 پەقین روودان

حەسەکە.. 3 پەقین روودان

WAAR-دهۆك:

سێ مۆتۆرسکلێن بۆمبەکری ل حەسەکێ پەقین و ژ بلی زیانێن ماددی یێن ل دوف خوە ھێلان، کارمەندەکێ ئاساییشێ ژی بریندار کر.
ئەڤرۆ سات نەھـ و نیڤی سپێدێ ل نێزیکی چارریانا مەشحەمە یا تاخا سالحییێ ل باژارێ حەسەکێ یێ رۆژئاڤایێ کوردستانێ، مۆتۆرسکلەکا بۆمبەکری پەقی، لێ ژ بلی زیانێن ماددی، چ زیانێن گیانی نەبوون و پشتی پەقینێ ھێزێن ئێمناھییا رۆژئاڤایێ کوردستانێ دەڤەرا پەقینێ دۆرپێچ کر، پاشی ل سات دەھـ و بیست خولەک ژی مۆتۆرسکلەکا دی یا بۆمبەکری ل دووراتییا سەد مەتران ژ ھەمان جھێ پەقینا ئێکێ پەقی، وێ ژی ژ بەر رێکارێن ھێزێن ئێمناھییێ، ژ بلی زیانێن ماددی، چ زیانێن گیانی نەبوون.
ھەر ئەڤرۆ ل سات یازدە، پەقینەکا دی ل تاخا کلاسە یا ناڤەندا حەسەکێ ژ بەر پەقینا مۆتۆرسکلەکا بۆمبەکری، روودا و ژ بلی زیانیێن ماددی، کارمەندەکێ ئاساییشێ ژی بریندار کر.

بابه‌تێن ب ڤێ مژارێ ڤه‌ گرێدای