حۆسییان جارەکا دی ھێرشی فرۆکەخانەیا ئەبھا کر

حۆسییان جارەکا دی ھێرشی فرۆکەخانەیا ئەبھا کر

WAAR- دهوك:

چەکدارێن گروپا ئەنسارولا یا حۆسیێن یەمەنێ شڤێدی جارەکادی ھێرشی فرۆکەخانەیا ئەبھا یا سعوودی کر و زیان گەھاندنێ.
یەحیا سەریع پەیڤدارێ گروپا ئەنسارولا یا حۆسیێن یەمەنێ راگەھاند؛ شڤێدی ھێزێن وان د ئۆپەراسیۆنەکا بەرفرەھـ دا ب فرۆکەیێن چاڤدێریی یێن بێ فرۆکەڤان ھێرشی فروکەخانەیا ئەبھا یا نێڤدەولەتی ل باشۆرێ رۆژئاڤایی ئەرەبستانا سعوودیێ کر.
حۆسیان دیار کر: ھێرش ب سەرکەفتیانە ھاتن کرن و گەشتێن ئاسمانی یێن وێ فرۆکەخانەیێ ھاتن راوەستاندن.
ژ ئالییێ خوە ڤە ھەڤپەیمانییا ئەرەبی راگەھاندییە کو سیستەمێن بەرگرییا وان فرۆکەیەکا چاڤدێریێ یا چەکدارێن حۆسی ل ھنداڤی ئاسمانێ باژاری ئەبھا ئێخست، پشتی ژ یەمەنێ ئاراستەی جھێن سڤیلان کری.

بابه‌تێن ب ڤێ مژارێ ڤه‌ گرێدای