حۆسیان به‌رپرسیاریا خوه‌ ژ هێرشا ل سه‌ر سعوودیێ دوپات كر

حۆسیان به‌رپرسیاریا خوه‌ ژ هێرشا ل سه‌ر سعوودیێ دوپات كر

WAAR-دهۆك:

سه‌ركرده‌یه‌كێ حۆسیێن یه‌مه‌نێ ئه‌ڤرۆ دوپات كر كو وان هێرش ل سه‌ر په‌ترۆلگه‌هێن كۆمپانیا ئارامكۆ ل سعوودیێ كرینه‌.
محه‌مه‌د ئه‌لبوخه‌یتی گۆت : ئه‌و شیان لاوازیێن سیسته‌مێ به‌رگرییا ئه‌سمانی یا سعوودیێ ببینن و بۆ به‌رژه‌وه‌ندیا خوه‌ بكاربینن و فرۆكه‌یێن خوه‌ یێن بێ فرۆكه‌ڤان وه‌سا دروست كرن كو خۆراگر بن، ب وی ره‌نگی شیان هێرشا خوه‌ یا ل سه‌ر په‌ترۆلگه‌هێن وی وه‌لاتی بكه‌ن.
ئه‌لبوخه‌یتی تومه‌تێن ئه‌مریكا ل دۆر وێ یه‌كێ كو ئیرانێ ئه‌و هێرش كرینه‌ ره‌ت كرن و ئه‌و گۆتن ب ئیفلاسا سیاسی ناڤ كر.
ناڤهاتی گه‌ف ل سعوودیێ كرن كو ب زووترین ده‌م دۆرپێچێ ل سه‌ر حوسیان راكه‌ن و دوژمنكاریا خوه‌ هه‌مبه‌ری یه‌مه‌نێ راگرن، ژبه‌ركو هێرشێن وان دیار كر كو حوسیان شیانێن ئارمانجكرنا جهێن هه‌ستیار یێن سعوودیێ هه‌نه‌.

بابه‌تێن ب ڤێ مژارێ ڤه‌ گرێدای