حکومەتا ھەرێمێ: ھەر پارێزگەھەک دێ 5 ملیار دیناران دەتە جۆتیاران

حکومەتا ھەرێمێ: ھەر پارێزگەھەک دێ 5 ملیار دیناران دەتە جۆتیاران

WAAR-دهۆك:

وەزارەتا بازرگانییا ھەرێمێ راگەھاند؛ ل دووڤ وی پارەیێ بەغدا بۆ ھنارتی، دێ ل ھەر پارێزگەھەکا ھەرێمێ پێنج ملیار دینار ل سەر جۆتیاران ھێنە پارڤەکرن.
ئەدھەم نەوزاد، رێڤەبەرێ گشتی ل وەزارەتا بازرگانییا ھەرێمێ بۆ وار راگەهاند: دو چەکێن گەنمێ جۆتیاران گەھشتینە ھەرێمێ، کو کۆژمەیێ وان پازدە ملیار دینارن و ل ھەر پارێزگەھەکێ دێ پێنج ملیار ل سەر جۆتیاران ھێنە پارڤەکرن.

بەرییا نها ژی د. بەشیر حەداد، جێگرێ سەرۆکێ جڤاتا نوونەرێن ئیراقێ دیار کر: ئەڤرۆ پازدە ملیار دینار وەک پشکەک ژ پارەیێ ئەڤ سالە یێ گەنمێ جۆتیاران گەھشتە ھەرێما کوردستانێ و دێ دەست ب پارڤەکرنا وی ھێتە کرن.
ھەروەسا گۆت: بزاڤێن وان بۆ خەرجکرنا ھەموو مافێن دارایی یێن جۆتیارێن کوردستانێ بۆ سالێن دوھزار و چاردە و پازدە و شازدە و ھەڤدە و ھەژدە و ھەروەسا پارەیێ قەرەبووکرنا لەھییان و زیانێن ھەرێما کوردستانێ دێ بەردەوام بن.

بابه‌تێن ب ڤێ مژارێ ڤه‌ گرێدای