حکومەتا ھەرێمێ ماته‌مینی راگەھاند

حکومەتا ھەرێمێ ماته‌مینی راگەھاند

WAAR-دهۆك:

جڤاتا وەزیرێن ھەرێمێ د پەیامەکێ دا بۆ قوربانییێن دوھی یێن مووسلێ، ماتەمینا سەرانسەری راگەھاند و ھەموو ئاھەنگ و چالاکییێن فەرمی یێن جەژنا نەورۆزێ راگرتن.
جڤاتا وەزیرێن ھەرێما کوردستانێ، ژ بەر بوویەرا دوھی یا مووسلێ و خەندقینا زێدەتری 100 کەسان د رووبارێ دیجلە دا، پەیامەکا سەرەخوەشی و ھەڤخەمییێ بەلاڤ کر و راگەھاند: وێ بوویەرێ ئەو پڕ خەمگین کرن و ئەو بەھەشتا بەرین بۆ قوربانییان و سەبر و ھەدارێ بۆ مالبات و کەسوکارێن وان و ساخبوونا بلەز بۆ برینداران دخوازیت.
جڤاتا وەزیرێن ھەرێمێ د ئالییەکێ دی دا دیار کر؛ و‌ان ھەر ژ دەستپێکێ ھەموو سازی و ئالییێن پەیوەندیدار یێن تەندروستی و ھەوارھاتنێ راسپاردینە کو د ھانا بریندار و لێقەومایان بچن و ژ دوھـ ئەو چاڤدێرییا رەوشێ دکەن و وێ یەکێ ب ئەرکێ خوە یێ نشتیمانی و براتییا ھەڤپشک دزانن.
جڤاتا وەزیرێن ھەرێمێ ھەروەسا دیار کر: حکومەتا ھەرێمێ پشکدار و ھەڤپشکا ماتەمینا گشتی یا ئیراقێ یە و ژ بۆ وێ یەکێ ژی ھەموو چالاکی و ئاھەنگێن فەرمی یێن جەژنا نەورۆزێ ھاتینە راگرتن.

بابه‌تێن ب ڤێ مژارێ ڤه‌ گرێدای