حکومەتا ھەرێمێ ل دۆر پرسا ریفراندۆمێ بەرسڤا ئیرانێ دا

حکومەتا ھەرێمێ ل دۆر پرسا ریفراندۆمێ بەرسڤا ئیرانێ دا

WAAR-دهۆك:

فەرمانگەھا پەیوەندیێن دەرڤە یا حکومەتا ھەرێما کوردستانێ داخویانییا پەیڤدارێ وەزارەتا دەرڤەیا ئیرانێ رەت کر و راگەھاند؛ ریفراندۆم مافه‌كێ سرۆشتی یێ گەلێ کوردستانێ یە.
د راگه‌هاندنه‌كێ دا، فەرمانگەھا پەیوەندیێن دەرڤە یا حکومەتا ھەرێمێ دلگرانییا خوە ژ داخویانیا وه‌زاره‌تا ده‌رڤه‌یا ئیرانێ ل دۆر ریفراندۆمێ نیشاندا، ئەو داخویانی رەت کر و ڕاگەهاند: مافێ چارەنڤیس وەکو ھەموو گەل و نەتەوەیێن دی ل جیھانێ، مافێ سرۆشتی یێ گەلێ کوردستانێ یە و قوربانییێن مه‌زن بۆ هاتینه‌ دان و داوی بریارا سەرخوەبوونێ، دێ ژ ئالیێ گەلێ کوردستانێ ڤە ھێتە دان.
حکومەتا ھەرێمێ دوپات ژی کرییە، کو بەری نھا وان راگەھاندییە،‌ پرسا ریفراندۆم و سەرخوەبوونێ پرسەکا ناڤخوەیی یا ئیراقێ یە و دێ دگەل بەغدایێ دانوستاندنان ل سەر وێ پرسێ کەن و ھەر داخویانییەکا دەرڤەی ڤێ چارچووڤەیێ رەت دکەن و رێک ب دەستوەردانا چو ئالییان ژی ناھێتە دان.
ئه‌ڤه‌ د ده‌مه‌كی دایه‌، بەری نھا بەھرام قاسمی، پەیڤدارێ وەزارەتا دەرڤەیا ئیرانێ راگەھاندبوو؛ ئیران دژی رێفراندۆما سەرخوەبوونا ھەرێما کوردستانێ یە، کوردان ژی ماف د دستوورێ ئیراقێ دا ھەیە و نابیت دژایەتییا سەروەری و ئێکپارچەییا ئیراقێ بکەن.

بابه‌تێن ب ڤێ مژارێ ڤه‌ گرێدای