حکومەتا ھەرێمێ داخواز ژ تورکیا و پەکەکێ کر زیانان نەگەھیننە ھەرێمێ

حکومەتا ھەرێمێ داخواز ژ تورکیا و پەکەکێ کر زیانان نەگەھیننە ھەرێمێ

WAAR-دهوك:

حکومەتا ھەرێما کوردستانێ داخواز ژ حکومەتا تورکیا و پارتییا کارکەرێن کوردستانێ کر، نەبنە سەدەمێن گه‌هاندنا زیانان بۆ وەلاتیێن ھەرێمێ و سەلامەتییا وان بپارێزن.
د راگەھاندنەکێ دا حکومەتا ھەرێما کوردستانێ دیارکر: ئەڤرۆ ژ ئەنجامێ بۆمبەبارانا فرۆکەیێن تورکیا ل بنارا چیایێ قەندیلی چەندين وەلاتی برینداربوون و زیانێن ماددی ژی گەھشتینه‌ خه‌لكێ سڤیل، لەورا حکومەتا ھەرێمێ ھەڤخەمە لگەل زیانڤێکەفتیێن وێ دەڤەرێ و دلگرانە ژ بۆمبەبارانێ.
حکومەتا ھەرێمێ داخواز ژ حکومەتا تورکیا کر سەلامەتییا وەلاتیێن ھەرێمێ بپارێزیت و نابیت وەلاتی ببنە ئارمانجا بۆمبەبارانان.
د راگه‌هاندنا خوه‌ دا حكومه‌تێ داخواز ژ چه‌كدارێن پارتییا کارکەرێن کوردستانێ پەکەکێ ژی کر رەوشا وەلاتییان و تایبەتمەندییا ھەرێما کوردستانێ ل بەر چاڤ وەربگرن و ئێدی نەبنە سەدەمێن گەھاندنا زیانان بۆ وەلاتیین ھەرێما کوردستانێ.

بابه‌تێن ب ڤێ مژارێ ڤه‌ گرێدای