حكومه‌تێ ژماره‌یا تیرۆرستێن بیانی یێن ل ھەرێمێ ھاتینە گرتن ئاشكرا كر

حكومه‌تێ ژماره‌یا تیرۆرستێن بیانی یێن ل ھەرێمێ ھاتینە گرتن ئاشكرا كر

WAAR-دهوك:

رێکخەرێ راسپاردێن نێڤدەولەتی ژمارەیا تیرۆرستێن بیانی ئاشکەرا کرن ئەوێن ل دەمێ بۆری ل ھەرێمێ ھاتینە گرتن .
دیندار زێباری رێکخەرێ راسپاردێن نێڤدەولەتی د راگەھاندنەکێ دا ئاشکەرا کر: دادگەھا لێکۆلینێن ئاساییشا ھەولێرێ دوسەد و حەفتێ و حەفت کەس ب چەند قوناغان رەوانەی دادگەھا لێکۆلینێن نەینەوا کرینە کو پێشتر ب سووچا تیرۆرێ ھاتینە گرتن و تەڤلی رێکخستنێن تیرۆرستی ببوون.
دیار ژی کر: پێنجسەد و حەفتێ و شەش گرتیین دیتر ب رێیا فرۆکەخانەیا نێڤدەولەتی یا ھەولێرێ رەوانەی دادگەھا رەسافە ھاتینە کرن.
زێبارێ ھەروەسا ئاشکەرا کر: ل چەند سالێن بۆری ب سووچا تیرۆرێ پازدە کەسێن تورک، سێ کەسێن ئەلمان، سێ رۆسی و دو کەسێن ئازەربیجانی ب سووچێن تیرۆرێ رەوانەی وەلاتێن وان کرینە زێدەباری رۆژنامەڤانێ ب رەگەز ژاپۆنی کۆسۆکی سۆنیۆ کا کو ب ھەماھەنگیا حکومەتا ژاپۆنێ رەوانەیی وەلاتێ وی ھاتیە کرن.
رێکخەرێ راسپاردێن نێڤدەولەتی دا زانین ژی: سیھـ ژن ژی ھاتینە گرتن کو ھەشت ژ وان ھاتینە سزادان و شەش سنێلە ژی ھاتینە دەستەسەرکرن.

بابه‌تێن ب ڤێ مژارێ ڤه‌ گرێدای